Áhafnir Cathay Pacific sæta ströngum sóttvarnatakmörkunum

Þá er þeim skylt að forðast öll ónauðsynleg samskipti í 21 dag.

Sóttvarnareglur í Hong Kong eru almennt mjög strangar. Þar verða allir sem koma til borgarinnar, með fáeinum undantekningum, að sæta hótelsóttkví í 14 til 21 dag.

Samkvæmt nýjum reglum Cathay Pacific verða þeir áhafnarmeðlimir sem hafa haft næturdvöl erlendis hins vegar að einangra sig í þrjá daga á heimili sínu og mega ekki fara út nema til að versla í matinn, sækja læknisþjónustu eða fara í Covid-próf.

Þetta má aðeins taka tvær klukkustundir á dag, að hámarki, og þá er starfsmönnum flugfélagsins gert að takmarka öll samskipti í 18 daga til viðbótar, auk þess sem þeir þurfa að taka Covid-próf á hverjum degi.

Reglur félagsins um starfsmenn þegar þeir eru við störf erlendis eru ekki síður strangar en þar verður áhöfnin að fara saman á hótel um leið og lent er og þá mega starfsmenn ekki yfirgefa hótelherbergi sín allan tímann sem þeir dvelja erlendis, ekki einu sinni til að borða.

BBC greindi frá.