Grunaður um ólöglegan innflutning á slöngum og tarantúlum

Þetta kemur fram á vef stofnunarinnar þar sem vísað er í að óheimilt sé að flytja til landsins hvers konar dýr, tamin eða villt, svo og erfðaefni þeirra samkvæmt lögum um innflutning dýra.

Vakin er athygli á að hægt sé að sækja um undanþágu til þessa að flytja inn dýr en tvö leyfi þurfi til þess, eitt frá Umhverfisstofnun og annað frá Matvælastofnun.

Eini innflutningurinn á snákum og tarantúlum sem leyfður hefur verið til Íslands er heimild sem húsdýragarðurinn fékk fyrir 10-15 árum, að því er fram kemur á vef MAST.

Matvælastofnun varar eindregið við ólöglegum innflutningi á dýrum og segir á vef stofnunarinnar að með þeim hætti geti borist hættuleg smitefni til landsins sem ógni heilsu fólks og dýra.