Innlent

Hættu­stig al­manna­varna á­fram í gildi á Seyðis­firði

Atli Ísleifsson skrifar
Níu hús voru rýmd á Seyðisfirði í gær vegna skriðuhættunnar og yfirgáfu þá nítján manns heimili sín.
Níu hús voru rýmd á Seyðisfirði í gær vegna skriðuhættunnar og yfirgáfu þá nítján manns heimili sín. Veðurstofan

Enn mælist hreyfing á flekanum sem liggur milli Búðarár á Seyðisfirði og skriðusársins frá desember 2020. Talsverðri úrkomu er spáð á svæðinu þegar nær dregur helgi og mun rýming því vara fram yfir helgi.

Í tilkynningu frá almannavarnadeild ríkislögreglustjóra segir að hættustig verði því áfram í gildi í bænum.

„Níu hús voru rýmd í gær vegna þessa og nítján manns yfirgáfu þá heimili sín. Rýming gekk vel og allir fengu húsaskjól.

Herðubreið verður opin milli klukkan 14 og 17 í dag. Íbúar í húsum á rýmingarsvæðum eru sérstaklega hvattir til að mæta og geta þá fengið aðstoð við að fara að og huga að húsum sínum hafi þeir hug til þess.

Fulltrúar Rauða krossins verða í Herðubreið, Múlaþings og lögreglu. Allir velkomnir.“

Almannavarnir Múlaþing

Tengdar fréttir

Mest lesið


Fleiri fréttir

Sjá meira


×

Mest lesið