Minn umhverfisráðherra Heiða Guðný Ásgeirsdóttir skrifar 22. september 2021 16:45 Vilhjálmur Árnason þingmaður Sjálfstæðisflokksins, frambjóðandi í Suðurkjördæmi og sitjandi varamaður formanns stjórnar Vatnajökulþjóðgarðs, tjáði sig á facebook síðu sinni í gærkvöldi um störf umhverfis-og auðlindaráðherra. Afar athyglisverð færsla að ekki sé meira sagt. Fyrir það fyrsta má ráða af skrifum Vilhjálms að hann telji að umhverfisráðherra hefði átt að draga sig í hlé og hætta að sinna vinnu sinni eftir að þing hætti í sumar. Skilin á milli ráðherra og óbreyttra þingmanna koma glöggt í ljós við þessar aðstæður. Þingmenn geta frá þingslitum til kosninga rásað um kjördæmi og netheima og þyrlað ryki í augu kjósenda í von um endurkjör til alþingis. Ráðherrar þurfa hins vegar að vinna til loka síns umboðs, sem stendur til kosninga. Það þætti líklega óábyrgt og skylt við leti ef heilbrigðisráðherra t.d. léti reka á reiðanum frá þingslitum og fram að kosningum. Ráðherrar ríkistjórnar útenda því sinn vinnutíma og í í þessu tilfelli undir gildandi stjórnarsáttmála þriggja flokka, þ.á.m. Sjálfstæðisflokks. Orðrétt um vinnu umhverfis- og auðlindaráðherra segir Vilhjálmur m.a.„Það stenst engin lög að friðlýsa heilu vatnasvæðin á grundvelli rammaáætlunar. Alþingi þarf að skilgreina þau svæði nákvæmlega sem á að friðlýsa skv. Rammaáætlun og það hefur ekki verið gert“Vilhjálmur er með BA próf í lögfræði samkvæmt Alþingisvefnum, en hann er fráleitt eina lögfræðimenntaða manneskjan á Íslandi. Kollegar hans starfa m.a. í Umhverfis- og aulindaráðuneytinu, með ráðherra, og túlka því greinilega lög um Rammaáætlun eitthvað öðruvísi en Vilhjálmur. Lögin kveða m.a. á um það að virkjanahugmyndir sem falla í verndarflokk fari í beinu framhaldi í friðlýsingu. Annar áfangi Rammaáætlunar var staðfestur á Alþingi 2013 en lögboðnar friðlýsingar á grundvelli hans hafa setið á hakanum þar til Guðmundur Ingi Guðbrandsson settist í stól umhverfis- og aulindaráðherra eftir kosningar 2017. Veganesti þessa ráðherra VG stendur skrifað í stjórnarsáttmála ríkisstjórnarflokkanna þriggja. „Sérstök áhersla verður lögð á friðlýsingar kosta í verndarflokki Rammaáætlunar.“ Guðmundur Ingi hefur unnið hratt niður bunka ófullgerðra friðlýsinga, og gert það samkvæmt lögum um Rammaáætlun, ekki eigin geðþótta. Þriðji áfangi Rammaáætlunar hefur ekki enn verið staðfestur af Alþingi og því er ekki verið að vinna samkvæmt honum. Moldin byrjar þó fyrst verulega að rjúka í logninu í færslu Vilhjálms þegar hann,varamaður formanns Vatnajökulsþjóðgarðs, beinir skrifum að stækkun þjóðgarðsins. Hann segir: „Þá er ólöglegt að stækka Vatnajökulsþjóðgarð án alls samráðs við sveitarstjórnir í nágrenninu,eðlilegs undirbúnings innan stjórnsýslunnar með kostnaðarmati, hnitsettum kortum og að ég tali nú ekki um að klára frágang og fjármögnun á fyrri stækkunum“ Látum það fljóta að maður í hans stöðu virðist ekki hafa metnað fyrir því að þjóðgarðar stækkiog færi út starfssemi sína. Alvarlegri eru dylgjur um að umhverfis- og auðlindaráðherra reyni að stækka þjóðgarð án samráðs við sveitarstjórnir. Að óreyndu hefði kona haldið að maður með svo langa stjórnarsetu innan þjóðgarðsins þekkti betur hið dreifða stjórnfyrirkomulag Vatnajökulsþjóðgarðs. En vonin um nokkur atkvæði fólks sem hræðist þjóðgarða vegur greinilega þyngra en sannleikurinn. Það rétta er að umhverfis- og auðlindaráðherra bauð á þessu ári sveitarfélögum sem þegar hafa góða reynslu af Vatnajökulsþjóðgarði að stækka hann frekar á þjóðlendum innan sveitarfélagsins. Ákvörðunin um að fara í þetta samtal var alfarið í höndum viðkomandi sveitarstjórna. Þjóðgarðsverðir svæðanna unnu faglegt kostnaðarmat vegna mögulegrar stækkunar þjóðgarðsins, sem starfsfólk Umhverfis- og auðlindaráðuneytisins lagði svo blessun sína yfir. Starfsfólk ráðuneytisins aðstoðaði einnig við að teikna hugmyndir sveitarfélaganna að útmörkum inn á kort. Þær línur sem þar var unnið með, s.s. sveitarfélagamörk, þjóðlendumörk, hálendislína og mörk biðflokkskosta skv. Rammaáætlun eru þegar til á hnitsettum kortum. Ekki telst útilokað að Vilhjálmur hafi, við vinnu sína einhvern tíma barið slík kort augum og ætti því að renna í grun um tilvist þeirra og notkunarmöguleika. Sveitarfélagið Hornafjörður ákvað á fundi sínum í ágúst að taka undir fyrri ályktun bæjarráðs Hornafjarðar að stækka þjóðgarðinn innan sveitarfélagsins og er sá gjörningur afstaðinn. Sveitarstjórn Skaftárhrepps hélt kynningarfundi fyrir fjallskilanefndir og íbúa og á þeim fundum sá starfsfólk Umhverfisráðuneytisins og Vatnajökulsþjóðgarðs um kynningar á stækkunarhugmyndum og svöruðu spurningum. Það gerðu þau að ósk meirihluta sveitarstjórnar Skaftárhrepps, okkar sveitarstjórnarkvenna sem sáum í þessu mikil tækifæri. Á þessum fundum kom hins vegar fram að íbúum Skaftárhrepps hugnaðist ekki stækkun þjóðgarðins að þessu sinni. Íbúarnir voru því ekki í einhverri glímu við ráðherra, eins og gefið hefur verið í skyn. Vilji íbúanna hafði hins vegar þau áhrif á afstöðu sveitarstjórnar að fallið var frá stækkun að þessu sinni. Rétt skal vera rétt. Höfundur er bóndi og sveitarstjórnarfulltrúi í Skaftárhreppi og skipar annað sæti á lista VG í Suðurkjördæmi. Viltu birta grein á Vísi? Sendu okkur póst. Senda grein Heiða Guðný Ásgeirsdóttir Skoðun: Kosningar 2021 Vinstri græn Suðurkjördæmi Umhverfismál Hálendisþjóðgarður Ríkisstjórn Katrínar Jakobsdóttur Mest lesið Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun Daði Pálmar Ragnarsson Bakþankar Enginn stjórnmálaflokkur mun niðurgreiða sálfræðiþjónustu og útrýma biðlistum Þórarinn Hjartarson Skoðun Konur á örorku Sigríður Ingibjörg Ingadóttir,Steinunn Bragadóttir Skoðun Við fylgjum þér frá getnaði til grafar Benedikt S. Benediktsson Skoðun Ef þið bara hefðuð séð heiminn út frá mínum augum: Börn & ADHD Stefán Þorri Helgason Skoðun Ekki sama hvaðan gott kemur Magnea Gná Jóhannsdóttir Skoðun Börn í meðferð eiga rétt á fagfólki orð duga ekki lengur! Steindór Þórarinsson Skoðun Neyð Róhingja Sigurjón Örn Stefánsson Skoðun Þjóðarmorð, fálmandi mjálm eða aðgerðir? Viðar Hreinsson Skoðun Skoðun Skoðun Við fylgjum þér frá getnaði til grafar Benedikt S. Benediktsson skrifar Skoðun Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir skrifar Skoðun Ef þið bara hefðuð séð heiminn út frá mínum augum: Börn & ADHD Stefán Þorri Helgason skrifar Skoðun 112. liðurinn í aðgerðaáætlun í menntamálum? Ingólfur Ásgeir Jóhannesson skrifar Skoðun Konur á örorku Sigríður Ingibjörg Ingadóttir,Steinunn Bragadóttir skrifar Skoðun Drambið okkar Júlíus Valsson skrifar Skoðun Við vitum Guðrún Jónsdóttir skrifar Skoðun Ekki sama hvaðan gott kemur Magnea Gná Jóhannsdóttir skrifar Skoðun Börn í meðferð eiga rétt á fagfólki orð duga ekki lengur! Steindór Þórarinsson skrifar Skoðun Greindarskerðing eða ofurgáfur með gervigreind Björgmundur Örn Guðmundsson skrifar Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson skrifar Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson skrifar Skoðun Stöndum saman gegn fjölþáttaógnum Bryndís Haraldsdóttir skrifar Skoðun Hagræðing á kostnað fjölbreytni og gæðamenntunar Ida Marguerite Semey skrifar Skoðun Umbúðir en ekkert innihald í Hafnarfirði Einar Geir Þorsteinsson skrifar Skoðun Við viljum tala íslensku, en hvernig Ólafur Guðsteinn Kristjánsson skrifar Skoðun Mansalsmál á Íslandi Kristján Þórður Snæbjarnarson skrifar Skoðun Hættur heimsins virða engin landamæri Tótla I. Sæmundsdóttir skrifar Skoðun Tímamót í sjálfsvígsforvörnum Ingibjörg Isaksen skrifar Skoðun Yfirgangur, yfirlæti og endastöð Strætó Axel Hall skrifar Skoðun Hugsum fíknivanda upp á nýtt - Ný nálgun í meðhöndlun fíknivanda og áhættuhegðunar Svala Jóhannesdóttir,Lilja Sif Þorsteinsdóttir skrifar Skoðun Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir skrifar Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir skrifar Skoðun Skapandi menntun skilar raunverulegum árangri Bryngeir Valdimarsson skrifar Skoðun Sex ára sáttmáli Davíð Þorláksson skrifar Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir skrifar Skoðun Stjórnendur sem mega ekki stjórna Stefán Vagn Stefánsson skrifar Skoðun Stokkhólmseinkenni sem við ættum að forðast Aðalsteinn Júlíus Magnússon skrifar Skoðun Eflum iðnlöggjöfina og stöðvum brotin Hilmar Harðarson skrifar Skoðun Pjattkratar taka til Þorsteinn Sæmundsson skrifar Sjá meira
Vilhjálmur Árnason þingmaður Sjálfstæðisflokksins, frambjóðandi í Suðurkjördæmi og sitjandi varamaður formanns stjórnar Vatnajökulþjóðgarðs, tjáði sig á facebook síðu sinni í gærkvöldi um störf umhverfis-og auðlindaráðherra. Afar athyglisverð færsla að ekki sé meira sagt. Fyrir það fyrsta má ráða af skrifum Vilhjálms að hann telji að umhverfisráðherra hefði átt að draga sig í hlé og hætta að sinna vinnu sinni eftir að þing hætti í sumar. Skilin á milli ráðherra og óbreyttra þingmanna koma glöggt í ljós við þessar aðstæður. Þingmenn geta frá þingslitum til kosninga rásað um kjördæmi og netheima og þyrlað ryki í augu kjósenda í von um endurkjör til alþingis. Ráðherrar þurfa hins vegar að vinna til loka síns umboðs, sem stendur til kosninga. Það þætti líklega óábyrgt og skylt við leti ef heilbrigðisráðherra t.d. léti reka á reiðanum frá þingslitum og fram að kosningum. Ráðherrar ríkistjórnar útenda því sinn vinnutíma og í í þessu tilfelli undir gildandi stjórnarsáttmála þriggja flokka, þ.á.m. Sjálfstæðisflokks. Orðrétt um vinnu umhverfis- og auðlindaráðherra segir Vilhjálmur m.a.„Það stenst engin lög að friðlýsa heilu vatnasvæðin á grundvelli rammaáætlunar. Alþingi þarf að skilgreina þau svæði nákvæmlega sem á að friðlýsa skv. Rammaáætlun og það hefur ekki verið gert“Vilhjálmur er með BA próf í lögfræði samkvæmt Alþingisvefnum, en hann er fráleitt eina lögfræðimenntaða manneskjan á Íslandi. Kollegar hans starfa m.a. í Umhverfis- og aulindaráðuneytinu, með ráðherra, og túlka því greinilega lög um Rammaáætlun eitthvað öðruvísi en Vilhjálmur. Lögin kveða m.a. á um það að virkjanahugmyndir sem falla í verndarflokk fari í beinu framhaldi í friðlýsingu. Annar áfangi Rammaáætlunar var staðfestur á Alþingi 2013 en lögboðnar friðlýsingar á grundvelli hans hafa setið á hakanum þar til Guðmundur Ingi Guðbrandsson settist í stól umhverfis- og aulindaráðherra eftir kosningar 2017. Veganesti þessa ráðherra VG stendur skrifað í stjórnarsáttmála ríkisstjórnarflokkanna þriggja. „Sérstök áhersla verður lögð á friðlýsingar kosta í verndarflokki Rammaáætlunar.“ Guðmundur Ingi hefur unnið hratt niður bunka ófullgerðra friðlýsinga, og gert það samkvæmt lögum um Rammaáætlun, ekki eigin geðþótta. Þriðji áfangi Rammaáætlunar hefur ekki enn verið staðfestur af Alþingi og því er ekki verið að vinna samkvæmt honum. Moldin byrjar þó fyrst verulega að rjúka í logninu í færslu Vilhjálms þegar hann,varamaður formanns Vatnajökulsþjóðgarðs, beinir skrifum að stækkun þjóðgarðsins. Hann segir: „Þá er ólöglegt að stækka Vatnajökulsþjóðgarð án alls samráðs við sveitarstjórnir í nágrenninu,eðlilegs undirbúnings innan stjórnsýslunnar með kostnaðarmati, hnitsettum kortum og að ég tali nú ekki um að klára frágang og fjármögnun á fyrri stækkunum“ Látum það fljóta að maður í hans stöðu virðist ekki hafa metnað fyrir því að þjóðgarðar stækkiog færi út starfssemi sína. Alvarlegri eru dylgjur um að umhverfis- og auðlindaráðherra reyni að stækka þjóðgarð án samráðs við sveitarstjórnir. Að óreyndu hefði kona haldið að maður með svo langa stjórnarsetu innan þjóðgarðsins þekkti betur hið dreifða stjórnfyrirkomulag Vatnajökulsþjóðgarðs. En vonin um nokkur atkvæði fólks sem hræðist þjóðgarða vegur greinilega þyngra en sannleikurinn. Það rétta er að umhverfis- og auðlindaráðherra bauð á þessu ári sveitarfélögum sem þegar hafa góða reynslu af Vatnajökulsþjóðgarði að stækka hann frekar á þjóðlendum innan sveitarfélagsins. Ákvörðunin um að fara í þetta samtal var alfarið í höndum viðkomandi sveitarstjórna. Þjóðgarðsverðir svæðanna unnu faglegt kostnaðarmat vegna mögulegrar stækkunar þjóðgarðsins, sem starfsfólk Umhverfis- og auðlindaráðuneytisins lagði svo blessun sína yfir. Starfsfólk ráðuneytisins aðstoðaði einnig við að teikna hugmyndir sveitarfélaganna að útmörkum inn á kort. Þær línur sem þar var unnið með, s.s. sveitarfélagamörk, þjóðlendumörk, hálendislína og mörk biðflokkskosta skv. Rammaáætlun eru þegar til á hnitsettum kortum. Ekki telst útilokað að Vilhjálmur hafi, við vinnu sína einhvern tíma barið slík kort augum og ætti því að renna í grun um tilvist þeirra og notkunarmöguleika. Sveitarfélagið Hornafjörður ákvað á fundi sínum í ágúst að taka undir fyrri ályktun bæjarráðs Hornafjarðar að stækka þjóðgarðinn innan sveitarfélagsins og er sá gjörningur afstaðinn. Sveitarstjórn Skaftárhrepps hélt kynningarfundi fyrir fjallskilanefndir og íbúa og á þeim fundum sá starfsfólk Umhverfisráðuneytisins og Vatnajökulsþjóðgarðs um kynningar á stækkunarhugmyndum og svöruðu spurningum. Það gerðu þau að ósk meirihluta sveitarstjórnar Skaftárhrepps, okkar sveitarstjórnarkvenna sem sáum í þessu mikil tækifæri. Á þessum fundum kom hins vegar fram að íbúum Skaftárhrepps hugnaðist ekki stækkun þjóðgarðins að þessu sinni. Íbúarnir voru því ekki í einhverri glímu við ráðherra, eins og gefið hefur verið í skyn. Vilji íbúanna hafði hins vegar þau áhrif á afstöðu sveitarstjórnar að fallið var frá stækkun að þessu sinni. Rétt skal vera rétt. Höfundur er bóndi og sveitarstjórnarfulltrúi í Skaftárhreppi og skipar annað sæti á lista VG í Suðurkjördæmi.
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Enginn stjórnmálaflokkur mun niðurgreiða sálfræðiþjónustu og útrýma biðlistum Þórarinn Hjartarson Skoðun
Skoðun Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir skrifar
Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson skrifar
Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson skrifar
Skoðun Hugsum fíknivanda upp á nýtt - Ný nálgun í meðhöndlun fíknivanda og áhættuhegðunar Svala Jóhannesdóttir,Lilja Sif Þorsteinsdóttir skrifar
Skoðun Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir skrifar
Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir skrifar
Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir skrifar
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Enginn stjórnmálaflokkur mun niðurgreiða sálfræðiþjónustu og útrýma biðlistum Þórarinn Hjartarson Skoðun