Óku 300 kílómetra norður í land með föt og bíl fyrir Angjelin og Claudiu Hallgerður Kolbrún E. Jónsdóttir skrifar 15. september 2021 12:12 Angjelin Sterkaj virkaði undir áhrifum fíkniefna að sögn rúmensks karlmanns sem sá hann laugardagskvöldið áður en Angjelin fór í Rauðagerði. Hann hefði spurt sig hvort lögregla væri nokkuð fyrir utan heimili þeirra í Brautarholti. Vísir Rúmenskt par sem bjó við hliðina á Angjelin Sterkaj og Claudiu Sofiu Coelho Carvalho í Brautarholti 4 segja að Angjelin Sterkaj hafi oft verið með skotvopn heima hjá sér. Parið ók norður í land með bíl og föt fyrir Angjelin og Claudiu eftir að Armando Beqirai var ráðinn bani í Rauðagerði rétt fyrir miðnætti laugardagskvöldið 13. febrúar. Fram kom í máli þeirra að Claudia hefði verið í sambandi við þau og gefið þeim fyrirmæli um ferðina. Claudia hefur lýst því yfir við meðferð málsins að hafa ekki vitað neitt hvað væri í gangi. Þriðji dagur aðalmeðferðar í Rauðagerðismálinu hófst í Héraðsdómi Reykjavíkur í morgun. Fjórir eru ákærðir fyrir manndráp. Angjelin Sterkaj er sakaður um að hafa skotið Armando Beqirai til bana. Shpetim Qerimi, Murat Selivrada og Claudia Sofia Coelho Carvalho, unnusta Angjelin, eru sömuleiðis ákærð hvert fyrir sinn þáttinn sem leiddi til þess að Armando var skotinn til bana. Þau fjögur báru vitni í dómssal á mánudag. Angjelin ber fyrir sig sjálfsvörn en hin þrjú segjast ekkert hafa vitað um manndrápið. Flutti til Íslands í atvinnuleit Rúmenska parið, Marius og Mihaila, gaf skýrslu í gegnum síma í dómsal í morgun. Verjendur gerðu athugasemdir við fyrirkomulag skýrslutökunnar þar sem ekki væri hægt að ganga úr skugga um að þau hafi ekki staðið hvort við hlið öðru á meðan á skýrslugjöf stóð. Marius lýsti því að hann hefði flutt til Íslands að tillögu vinar síns frá Rúmeníu. Þar væri vinnu að fá en hann ætti þrjú börn í Rúmeníu. Angjelin hefði boðið honum herbergi til leigu á 150 þúsund krónur, sem væri sanngjarnt verð, gegn því að gera honum stundum greiða. Marius sagðist ekki hafa verið meðvitaður um að Angjelin ætti í ágreiningi við neinn. Alltaf væri gestagangur í íbúð Angjelin. Var Marius spurður út í hvort hann hefði orðið var við Angjelin þann 13. febrúar. Angjelin hafi virkað hræddur Marius sagðist hafa komið heim til sín umrætt laugardagskvöld, áður en Armando var ráðinn bani, því hann hefði gleymt einhverju. Hann hefði ekki átt von á því að Angjelin væri heima en hann hefði virkað hræddur þegar hann sá hann á ganginum. Marius sagði að honum hefði virst eins og Angjelin væri búinn að neyta fíkniefna. Angjelin hefði spurt hann hvort lögregla væri fyrir utan húsið. Hann hefði ekki séð vopn en hann hefði verið með hliðartösku á sér. Hann nefndi aðspurður vita að Angjelin ætti byssu og hefði séð hann með byssu. Hann hefði ekki orðið var við fleiri á svæðinu en sjálfur hefði hann staldrað stutt við enda aðeins skotist heim. Greiði upp á 300 kílómetra næturskutl Marius sagðist hafa fengið símtal frá Claudiu sem hefði beðið hann um að skutla fötum og jepplingi til þeirra gegn greiðslu. Þau hefðu farið út úr bænum. Þegar Marius fékk GPS-hnit sá hann að bíltúrinn væri upp á 300 kílómetra. Fram hefur komið að Angjelin og Claudia óku norður í land eftir að Armando var ráðinn bani. Marius sagðist ekki eiga fyrir bensíni en því var bjargað og albanskur strákur, vinur Angjelin, sendur til hans með pening fyrir bensíni og tösku af fötum fyrir Claudiu. Þau hefðu ekið norður í land en í ljós hefði komið að bíllinn sem rúmenska parið átti að aka á til baka var bensínlaus. Angjelin og Claudia hafi sagt þeim að gista bara nóttina og fara aftur daginn eftir. Þá fengju þau pening fyrir bensíni, þau væru aðeins með peningaseðla sem væri ekki hægt að nýta fyrr en bensínstöðin yrði opnuð daginn eftir. Claudia Sofia Coelho Carvalho fær sér vatnssopa við aðalmeðferð málsins í héraði.Vísir Marius lýsti því að Angjelin og Claudia hefðu virkað stressuð og eins og þau væru að fela eitthvað. Þau hafi spjallað saman og horft á sjónvarpið, fréttir af morði. Þau hafi rætt saman en hann ekki spurt þau nánar út í þetta. Parinu hafi ekki litist á blikuna, í raun bara þóst sofa og lagt í hann áður en dagur rann. Claudia hafi svo gefið þeim leiðbeiningar um hvert þau ættu að skila bílnum í miðbæinn, nærri Brautarholti en þó ekki fyrir framan heimili þeirra. Claudia hefði svo komið í afmæli konu Mariusar að sækja dót til sín og bíllyklana í leiðinni. Claudia hefði sagt að „þetta væri búið“ og þau ættu ekki að segja neinum frá. Angjelin í skrýtnu ástandi Fram kom í máli Mariusar að Angjelin hefði talið einhvern vera að fylgjast með sér. Marius sagðist telja að neysla fíkniefna væri ástæða þeirra pælinga. Aðspurður hvort hann teldi að Angjelin ætlaði sér að skjóta einhvern með byssunni sagði Marius að það hefði honum aldrei dottið í hug. Verjandi Claudiu vísaði í skýrslutöku hjá lögreglu þar sem fram hefði komið að Marius hefði logið framan af og allt þyrfti að draga upp úr honum. Marius segðist hræddur um að honum yrði haldið föstum hér á landi. Hann tengdist manndrápinu ekki neitt. „Já, það er satt,“ sagði Marius. Aðspurður hvort hann væri að segja satt um tilgang ferðar sinnar norður í land svaraði Marius játandi. Hann hafi átt að fá greitt. Hann hafi komið til Íslands til að fá sér vinnu, hann ætti þrjú börn í heimalandinu og hefði átt að fá peninga fyrir. Hann hafi ekki ætlað að sleppa því. Angjelin hafi greitt honum fyrir að koma með bílinn norður. Logandi hrædd þegar hún sá byssu Mihaila, unnusta Mariusar, gaf í framhaldinu skýrslu og sagðist hafa verið heima umrætt laugardagskvöld. Hún hefði þó ekki hitt Angjelin, aðeins Marius. Hún hefði ekki orðið vör við gestagang heima hjá honum. Hún sagðist muna eftir símtalinu frá Claudiu. Þau hafi verið að borða heima þegar símtalið barst og þau beðin um að koma til þeirra með föt og bíl. Þá tók hún fram að við annað tilefni, fyrir laugardagskvöldið örlagaríka, hefði hún séð Angjelin með byssu heima hjá sér og hún verið mjög hrædd. Hún hefði verið ein heima og hún séð Angjelin með byssuna og orðið hrædd. Hefði hún hringt í Marius sem hefði komið heim og Angjelin þá falið byssuna. Morð í Rauðagerði Dómsmál Mest lesið Læknir í Kópavogi blekkti fjölskyldu sína með lygasögu um krabbamein Innlent Tilkynnt um dróna yfir Keflavíkurflugvelli Innlent Föst í Portúgal: „Siðlaust“ að fljúga vélunum út í morgun Innlent Fjöldauppsagnir á Keflavíkurflugvelli Innlent Bílstjórinn þrettán ára Innlent Segir herforingjum að búa sig undir átök gegn innlendum „óvinum“ Erlent Tillögum Trumps lýst sem uppgjöf Erlent Lítur svo á að hann njóti ekki trausts og hefur beðist lausnar Innlent Sjokk, stress og særindi í Leifsstöð Innlent Kallar þjóðaröryggisráð saman Innlent Fleiri fréttir Þurftu að finna lausn á uppskáldaðri hryðjuverkaárás á Íslandi Fossvogsbrúin sé álíka gáfuleg og að setja göngustíg í Reynisfjöru Ísland land númer 197 Skiptastjóri þurfi að ákveða hvort hann geri kröfu í dótturfélag Play Fjöldauppsagnir á Keflavíkurflugvelli Gjaldþrotið leiðir til hópuppsagnar og afarkostir Bandaríkjaforseta Fyrrum meðferðarheimili sett á sölu Strandaglópar slaga í tuttugu þúsund Sultuslakir strandaglópar eftir heilsuferð til Split Kallar þjóðaröryggisráð saman Verulegt högg fyrir ferðaþjónustuna Eftirköstin af gjaldþroti Play og friðaráætlun á Gasa Læknir í Kópavogi blekkti fjölskyldu sína með lygasögu um krabbamein Áhyggjur landsmanna af útbreiðslu hernaðarátaka í Evrópu aukast Hættir sem þingflokksformaður Sundlaugar borgarinnar verði bættar fyrir ungbarnafjölskyldur Hópslagsmál og hundaárás Vonsviknir ferðamenn og reiði út í Icelandair vegna hækkunar fargjalda Arnarflug lifað lengst í samkeppni við Icelandair Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjokk, stress og særindi í Leifsstöð Bein útsending: Lýðheilsuvísar 2025 kynntir Ekki erfitt að vera föst í 25 gráðum en ástæðan sorgleg „Óvænt og líka mjög leiðinlegt“ Play hættir að fljúga, hundruð missa vinnuna og strandaglópar í Leifsstöð Sjá meira
Fram kom í máli þeirra að Claudia hefði verið í sambandi við þau og gefið þeim fyrirmæli um ferðina. Claudia hefur lýst því yfir við meðferð málsins að hafa ekki vitað neitt hvað væri í gangi. Þriðji dagur aðalmeðferðar í Rauðagerðismálinu hófst í Héraðsdómi Reykjavíkur í morgun. Fjórir eru ákærðir fyrir manndráp. Angjelin Sterkaj er sakaður um að hafa skotið Armando Beqirai til bana. Shpetim Qerimi, Murat Selivrada og Claudia Sofia Coelho Carvalho, unnusta Angjelin, eru sömuleiðis ákærð hvert fyrir sinn þáttinn sem leiddi til þess að Armando var skotinn til bana. Þau fjögur báru vitni í dómssal á mánudag. Angjelin ber fyrir sig sjálfsvörn en hin þrjú segjast ekkert hafa vitað um manndrápið. Flutti til Íslands í atvinnuleit Rúmenska parið, Marius og Mihaila, gaf skýrslu í gegnum síma í dómsal í morgun. Verjendur gerðu athugasemdir við fyrirkomulag skýrslutökunnar þar sem ekki væri hægt að ganga úr skugga um að þau hafi ekki staðið hvort við hlið öðru á meðan á skýrslugjöf stóð. Marius lýsti því að hann hefði flutt til Íslands að tillögu vinar síns frá Rúmeníu. Þar væri vinnu að fá en hann ætti þrjú börn í Rúmeníu. Angjelin hefði boðið honum herbergi til leigu á 150 þúsund krónur, sem væri sanngjarnt verð, gegn því að gera honum stundum greiða. Marius sagðist ekki hafa verið meðvitaður um að Angjelin ætti í ágreiningi við neinn. Alltaf væri gestagangur í íbúð Angjelin. Var Marius spurður út í hvort hann hefði orðið var við Angjelin þann 13. febrúar. Angjelin hafi virkað hræddur Marius sagðist hafa komið heim til sín umrætt laugardagskvöld, áður en Armando var ráðinn bani, því hann hefði gleymt einhverju. Hann hefði ekki átt von á því að Angjelin væri heima en hann hefði virkað hræddur þegar hann sá hann á ganginum. Marius sagði að honum hefði virst eins og Angjelin væri búinn að neyta fíkniefna. Angjelin hefði spurt hann hvort lögregla væri fyrir utan húsið. Hann hefði ekki séð vopn en hann hefði verið með hliðartösku á sér. Hann nefndi aðspurður vita að Angjelin ætti byssu og hefði séð hann með byssu. Hann hefði ekki orðið var við fleiri á svæðinu en sjálfur hefði hann staldrað stutt við enda aðeins skotist heim. Greiði upp á 300 kílómetra næturskutl Marius sagðist hafa fengið símtal frá Claudiu sem hefði beðið hann um að skutla fötum og jepplingi til þeirra gegn greiðslu. Þau hefðu farið út úr bænum. Þegar Marius fékk GPS-hnit sá hann að bíltúrinn væri upp á 300 kílómetra. Fram hefur komið að Angjelin og Claudia óku norður í land eftir að Armando var ráðinn bani. Marius sagðist ekki eiga fyrir bensíni en því var bjargað og albanskur strákur, vinur Angjelin, sendur til hans með pening fyrir bensíni og tösku af fötum fyrir Claudiu. Þau hefðu ekið norður í land en í ljós hefði komið að bíllinn sem rúmenska parið átti að aka á til baka var bensínlaus. Angjelin og Claudia hafi sagt þeim að gista bara nóttina og fara aftur daginn eftir. Þá fengju þau pening fyrir bensíni, þau væru aðeins með peningaseðla sem væri ekki hægt að nýta fyrr en bensínstöðin yrði opnuð daginn eftir. Claudia Sofia Coelho Carvalho fær sér vatnssopa við aðalmeðferð málsins í héraði.Vísir Marius lýsti því að Angjelin og Claudia hefðu virkað stressuð og eins og þau væru að fela eitthvað. Þau hafi spjallað saman og horft á sjónvarpið, fréttir af morði. Þau hafi rætt saman en hann ekki spurt þau nánar út í þetta. Parinu hafi ekki litist á blikuna, í raun bara þóst sofa og lagt í hann áður en dagur rann. Claudia hafi svo gefið þeim leiðbeiningar um hvert þau ættu að skila bílnum í miðbæinn, nærri Brautarholti en þó ekki fyrir framan heimili þeirra. Claudia hefði svo komið í afmæli konu Mariusar að sækja dót til sín og bíllyklana í leiðinni. Claudia hefði sagt að „þetta væri búið“ og þau ættu ekki að segja neinum frá. Angjelin í skrýtnu ástandi Fram kom í máli Mariusar að Angjelin hefði talið einhvern vera að fylgjast með sér. Marius sagðist telja að neysla fíkniefna væri ástæða þeirra pælinga. Aðspurður hvort hann teldi að Angjelin ætlaði sér að skjóta einhvern með byssunni sagði Marius að það hefði honum aldrei dottið í hug. Verjandi Claudiu vísaði í skýrslutöku hjá lögreglu þar sem fram hefði komið að Marius hefði logið framan af og allt þyrfti að draga upp úr honum. Marius segðist hræddur um að honum yrði haldið föstum hér á landi. Hann tengdist manndrápinu ekki neitt. „Já, það er satt,“ sagði Marius. Aðspurður hvort hann væri að segja satt um tilgang ferðar sinnar norður í land svaraði Marius játandi. Hann hafi átt að fá greitt. Hann hafi komið til Íslands til að fá sér vinnu, hann ætti þrjú börn í heimalandinu og hefði átt að fá peninga fyrir. Hann hafi ekki ætlað að sleppa því. Angjelin hafi greitt honum fyrir að koma með bílinn norður. Logandi hrædd þegar hún sá byssu Mihaila, unnusta Mariusar, gaf í framhaldinu skýrslu og sagðist hafa verið heima umrætt laugardagskvöld. Hún hefði þó ekki hitt Angjelin, aðeins Marius. Hún hefði ekki orðið vör við gestagang heima hjá honum. Hún sagðist muna eftir símtalinu frá Claudiu. Þau hafi verið að borða heima þegar símtalið barst og þau beðin um að koma til þeirra með föt og bíl. Þá tók hún fram að við annað tilefni, fyrir laugardagskvöldið örlagaríka, hefði hún séð Angjelin með byssu heima hjá sér og hún verið mjög hrædd. Hún hefði verið ein heima og hún séð Angjelin með byssuna og orðið hrædd. Hefði hún hringt í Marius sem hefði komið heim og Angjelin þá falið byssuna.
Morð í Rauðagerði Dómsmál Mest lesið Læknir í Kópavogi blekkti fjölskyldu sína með lygasögu um krabbamein Innlent Tilkynnt um dróna yfir Keflavíkurflugvelli Innlent Föst í Portúgal: „Siðlaust“ að fljúga vélunum út í morgun Innlent Fjöldauppsagnir á Keflavíkurflugvelli Innlent Bílstjórinn þrettán ára Innlent Segir herforingjum að búa sig undir átök gegn innlendum „óvinum“ Erlent Tillögum Trumps lýst sem uppgjöf Erlent Lítur svo á að hann njóti ekki trausts og hefur beðist lausnar Innlent Sjokk, stress og særindi í Leifsstöð Innlent Kallar þjóðaröryggisráð saman Innlent Fleiri fréttir Þurftu að finna lausn á uppskáldaðri hryðjuverkaárás á Íslandi Fossvogsbrúin sé álíka gáfuleg og að setja göngustíg í Reynisfjöru Ísland land númer 197 Skiptastjóri þurfi að ákveða hvort hann geri kröfu í dótturfélag Play Fjöldauppsagnir á Keflavíkurflugvelli Gjaldþrotið leiðir til hópuppsagnar og afarkostir Bandaríkjaforseta Fyrrum meðferðarheimili sett á sölu Strandaglópar slaga í tuttugu þúsund Sultuslakir strandaglópar eftir heilsuferð til Split Kallar þjóðaröryggisráð saman Verulegt högg fyrir ferðaþjónustuna Eftirköstin af gjaldþroti Play og friðaráætlun á Gasa Læknir í Kópavogi blekkti fjölskyldu sína með lygasögu um krabbamein Áhyggjur landsmanna af útbreiðslu hernaðarátaka í Evrópu aukast Hættir sem þingflokksformaður Sundlaugar borgarinnar verði bættar fyrir ungbarnafjölskyldur Hópslagsmál og hundaárás Vonsviknir ferðamenn og reiði út í Icelandair vegna hækkunar fargjalda Arnarflug lifað lengst í samkeppni við Icelandair Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjokk, stress og særindi í Leifsstöð Bein útsending: Lýðheilsuvísar 2025 kynntir Ekki erfitt að vera föst í 25 gráðum en ástæðan sorgleg „Óvænt og líka mjög leiðinlegt“ Play hættir að fljúga, hundruð missa vinnuna og strandaglópar í Leifsstöð Sjá meira