Oddvitaáskorunin: Líður hvergi betur en í vatninu Samúel Karl Ólason skrifar 4. september 2021 15:00 Vísir stendur fyrir Oddvitaáskoruninni 2021 þar sem skorað er á oddvita allra flokka í kjördæmum um land allt að taka þátt. Áskorunin felur í sér stutta kynningu og að svara nokkrum léttum spurningum. Ingibjörg Ólöf Isaksen leiðir lista Framsóknarflokksins í Norðvesturkjördæmi í kosningunum. „Ég heiti Ingibjörg Isaksen og bý á Akureyri. Ég æfði og keppti í sundi á uppvaxtarárunum en hef í seinni tíð bæði þjálfað kennt sund, meðal annars fullorðnum skriðsund. Í dag æfa tvær yngstu stelpurnar okkar sund svo það má segja að sund og vatn hafi fylgt mér mest alla ævi, enda líður mér hvergi betur en einmitt í vatninu. Ég er útskrifaður íþróttafræðingur frá Laugarvatni og starfaði sem umsjónarkennari og kennari í þónokkur ár. Svo lá leið mín í Eyjafjarðarsveit þar sem ég var forstöðumaður yfir íþróttamiðstöðinni á Hrafnagili en í dag starfa ég sem framkvæmdastjóri Læknastofa Akureyrar.“ „Ég hef verið viðriðin sveitarstjórnarmál undanfarin þrjú kjörtímabil, fyrst í Eyjafjarðarsveit og síðan í bæjarstjórn Akureyrar. Áhugamál mín er hreyfing í víðasta skilningi orðsins. Hef gaman af útivist, gönguferðum og eins og ég hef komið að, þá líður mér afar vel í vatninu. Svo þykir mér fátt skemmtilegra en þegar fjölskyldan spilar saman en þá grípum við oftar en ekki í Sequence eða Jungle speed.“ Klippa: Oddvitaáskorun - Ingibjörg Ólöf Isaksen Hver er fallegasti staðurinn á Íslandi? Þeir eru margir í uppáhaldi en efst á listanum eru Mývatnssveit og Jökulsárgljúfrin eins og þau leggja sig. Hvað færðu þér í bragðaref? Tvöfaldan skammt af bláberjum og þrist. Uppáhalds bók? Ætli ég hafi ekki lesið Ronju ræningjadóttur oftast yfir ævina, Ég lifi eftir Martin Grey hafði mikil áhrif á mig og svo hef ég gaman af spennusögum og þar er Yrsa Sigurðardóttir í miklu uppáhaldi. Uppáhalds „guilty pleasure“ lag? (skammast þín smá fyrir að hafa gaman af því – sakbitin sæla) Ég er gamaldags þegar kemur að tónlist, hvort sem það er íslenskt eða erlent. Ég viðurkenni þó að af og til detta inn lög með Pink og góð danstónlist hreyfir oft við mér hvort það sé eitthvað til að skammast sín fyrir eða ekki. Hvar á Íslandi myndir þú helst vilja búa? (Ekki í þínu kjördæmi) Botnsdalnum í Hvalfjarðarsveit. Ég dvaldi þar löngum stundum þar sem barn og það er yndislegur staður. Annars væri ég til í að búa í strandbæ á Ítalíu ef Ísland kæmi ekki til greina. Dundaðir þú þér við eitthvað á tímum Covid og samkomutakmarkana? Hámhorf eða nýtt áhugamál, sem dæmi. Ég féll aldrei í neitt hámhorf en ég var svo heppin að geta unnið heima og verið í fjarvinnu. Að sama skapi þá var mjög mikið að gera hjá mér. Þegar tækifæri gafst var fjölskyldan dugleg að spila og þar urðu Sequence og Jungle speed oftar en ekki fyrir valinu. Hvað tekur þú í bekk? 60 kg og stefni á að bæta mig Burstar þú tennurnar fyrir eða eftir morgunmat? Bæði fyrir og eftir eins og allir geri ég ráð fyrir :) Draumastarfið? (Fyrir utan þingsetu) Núverandi starf mitt. Er framkvæmdastjóri hjá Læknastofum Akureyrar. - Hvergi betra að vera. Hvað myndir þú segja við Kim Jong Un, einræðisherra Norður-Kóreu, ef þú myndir hitta hann í einrúmi? Ég myndi gjarnan vilja eiga við hann alvarlegt spjall um lýðræði og mannréttindi? Uppáhalds tónlistarmaður? Villi Vill - Vilhjálmur Vilhjálmsson hefur verið efstur á vinsældarlistanum, hefur haldið og mun líklega halda þeim titli áfram. Besti fimmaurabrandarinn? Það voru tvær appelsínur að ganga yfir brú – önnur datt í ánna og hin kallaði fljót, fljót skerðu þig í báta. Ein sterkasta minningin úr æsku? Reiðtúrarnir í sveitinni og þegar pabbi kenndi mér að borða spaghetti á Ítalíu. Hver er fyrirmynd þín í pólitík? Vigdís Finnbogadóttir hefur alltaf verið mín fyrirmynd. Besta íslenska Eurovision-lagið? Húsavík – ekki spurning eða gildir það ekki? Besta frí sem þú hefur farið í? Þegar ég fór á Vestfirðina árið 2013. Dásamlegt í alla staði. Uppáhalds þynnkumatur? Er ekki sveittur hamborgari með frönskum á milli, framreiddur af Robba í lúgunni í Leirunesti klassískur? Hve oft hefur þú farið að sjá eldgosið? Aldrei, en hef séð það á vefmyndavél :) Uppáhalds Fóstbræðraatriði? Indriði. Uppáhalds uppátækið frá framhaldsskólaárunum? Busavígslan á fjórða ári í FB. Breiðhyltingar gera hlutina af alvöru og kalla ekki allt ömmu sína í þeim efnum. Rómantískasta uppátækið? Fossinn Dynjandi… segi ekki meir ;) Oddvitaáskorunin Alþingiskosningar 2021 Norðvesturkjördæmi Framsóknarflokkurinn Mest lesið Smashing Pumpkins pumpuðu upp stemningu – en listin varð undir hávaðanum Gagnrýni „Þetta var eins og Atlantis sem sökk“ Lífið Leggst undir hnífinn vegna brjóstakrabbameins og frestar túrnum Lífið Kaupa glæsihús frænku Patriks Lífið Býr beint fyrir neðan barnsmóður sína Lífið Eru smáhrifavaldar að taka yfir markaðinn? Lífið Fjölgar í fjölskyldu Maríu Birtu og Ella Lífið Hafdís Huld bæjarlistamaður Mosfellsbæjar Lífið Klæddist brúðarkjólnum daglega í stúdentsprófunum Tíska og hönnun Vinsælast á Netflix og Spotify: Kóreskir djöflaveiðarar tröllríða öllu Lífið Fleiri fréttir Leggst undir hnífinn vegna brjóstakrabbameins og frestar túrnum „Þetta var eins og Atlantis sem sökk“ Hafdís Huld bæjarlistamaður Mosfellsbæjar Vinsælast á Netflix og Spotify: Kóreskir djöflaveiðarar tröllríða öllu Silkimjúk súpa fyrir sálina Eru smáhrifavaldar að taka yfir markaðinn? Sex bestu veitingastaðirnir í Skandinavíu Býr beint fyrir neðan barnsmóður sína Fjölgar í fjölskyldu Maríu Birtu og Ella Ástarleikir á fjölbreyttum stöðum Fullkominn kókos og chiagrautur að hætti Elísabetar Mettu Sóley og Kormákur skáluðu í síðsumarsólinni Segir lýtaaðgerðir hennar leið til að eldast með reisn Kaupa glæsihús frænku Patriks Opnar sig eftir handtökuna Töluðu íslensku við mannhafið Hin 93 ára Jóhanna skríður enn um garðinn til að halda honum fínum Fárveik í París Fullkominn brúðkaupsdagur í sænskum kastala Skiptir stærðin raunverulega máli? Berbrjósta og bleikhærðar með byltingu Taylor Swift trúlofuð Taumlaus gleði og stjörnum prýddir tónleikar Stórstjörnur í mögulegum ástarþríhyrningi Leikur Elsu Lund í fatla eftir vondan skell Segir Gleðigönguna ekki vera fyrir sig en styður baráttuna Einbýlishús með möguleika á makaskiptum Sagan þegar Villi Vill ákvað að lagið Söknuður yrði í eigin jarðarför Frumsýning á Vísi: Stikla fyrir aðra seríu af Bannað að hlæja Dansinn dunaði á Menningarnótt Sjá meira
Ingibjörg Ólöf Isaksen leiðir lista Framsóknarflokksins í Norðvesturkjördæmi í kosningunum. „Ég heiti Ingibjörg Isaksen og bý á Akureyri. Ég æfði og keppti í sundi á uppvaxtarárunum en hef í seinni tíð bæði þjálfað kennt sund, meðal annars fullorðnum skriðsund. Í dag æfa tvær yngstu stelpurnar okkar sund svo það má segja að sund og vatn hafi fylgt mér mest alla ævi, enda líður mér hvergi betur en einmitt í vatninu. Ég er útskrifaður íþróttafræðingur frá Laugarvatni og starfaði sem umsjónarkennari og kennari í þónokkur ár. Svo lá leið mín í Eyjafjarðarsveit þar sem ég var forstöðumaður yfir íþróttamiðstöðinni á Hrafnagili en í dag starfa ég sem framkvæmdastjóri Læknastofa Akureyrar.“ „Ég hef verið viðriðin sveitarstjórnarmál undanfarin þrjú kjörtímabil, fyrst í Eyjafjarðarsveit og síðan í bæjarstjórn Akureyrar. Áhugamál mín er hreyfing í víðasta skilningi orðsins. Hef gaman af útivist, gönguferðum og eins og ég hef komið að, þá líður mér afar vel í vatninu. Svo þykir mér fátt skemmtilegra en þegar fjölskyldan spilar saman en þá grípum við oftar en ekki í Sequence eða Jungle speed.“ Klippa: Oddvitaáskorun - Ingibjörg Ólöf Isaksen Hver er fallegasti staðurinn á Íslandi? Þeir eru margir í uppáhaldi en efst á listanum eru Mývatnssveit og Jökulsárgljúfrin eins og þau leggja sig. Hvað færðu þér í bragðaref? Tvöfaldan skammt af bláberjum og þrist. Uppáhalds bók? Ætli ég hafi ekki lesið Ronju ræningjadóttur oftast yfir ævina, Ég lifi eftir Martin Grey hafði mikil áhrif á mig og svo hef ég gaman af spennusögum og þar er Yrsa Sigurðardóttir í miklu uppáhaldi. Uppáhalds „guilty pleasure“ lag? (skammast þín smá fyrir að hafa gaman af því – sakbitin sæla) Ég er gamaldags þegar kemur að tónlist, hvort sem það er íslenskt eða erlent. Ég viðurkenni þó að af og til detta inn lög með Pink og góð danstónlist hreyfir oft við mér hvort það sé eitthvað til að skammast sín fyrir eða ekki. Hvar á Íslandi myndir þú helst vilja búa? (Ekki í þínu kjördæmi) Botnsdalnum í Hvalfjarðarsveit. Ég dvaldi þar löngum stundum þar sem barn og það er yndislegur staður. Annars væri ég til í að búa í strandbæ á Ítalíu ef Ísland kæmi ekki til greina. Dundaðir þú þér við eitthvað á tímum Covid og samkomutakmarkana? Hámhorf eða nýtt áhugamál, sem dæmi. Ég féll aldrei í neitt hámhorf en ég var svo heppin að geta unnið heima og verið í fjarvinnu. Að sama skapi þá var mjög mikið að gera hjá mér. Þegar tækifæri gafst var fjölskyldan dugleg að spila og þar urðu Sequence og Jungle speed oftar en ekki fyrir valinu. Hvað tekur þú í bekk? 60 kg og stefni á að bæta mig Burstar þú tennurnar fyrir eða eftir morgunmat? Bæði fyrir og eftir eins og allir geri ég ráð fyrir :) Draumastarfið? (Fyrir utan þingsetu) Núverandi starf mitt. Er framkvæmdastjóri hjá Læknastofum Akureyrar. - Hvergi betra að vera. Hvað myndir þú segja við Kim Jong Un, einræðisherra Norður-Kóreu, ef þú myndir hitta hann í einrúmi? Ég myndi gjarnan vilja eiga við hann alvarlegt spjall um lýðræði og mannréttindi? Uppáhalds tónlistarmaður? Villi Vill - Vilhjálmur Vilhjálmsson hefur verið efstur á vinsældarlistanum, hefur haldið og mun líklega halda þeim titli áfram. Besti fimmaurabrandarinn? Það voru tvær appelsínur að ganga yfir brú – önnur datt í ánna og hin kallaði fljót, fljót skerðu þig í báta. Ein sterkasta minningin úr æsku? Reiðtúrarnir í sveitinni og þegar pabbi kenndi mér að borða spaghetti á Ítalíu. Hver er fyrirmynd þín í pólitík? Vigdís Finnbogadóttir hefur alltaf verið mín fyrirmynd. Besta íslenska Eurovision-lagið? Húsavík – ekki spurning eða gildir það ekki? Besta frí sem þú hefur farið í? Þegar ég fór á Vestfirðina árið 2013. Dásamlegt í alla staði. Uppáhalds þynnkumatur? Er ekki sveittur hamborgari með frönskum á milli, framreiddur af Robba í lúgunni í Leirunesti klassískur? Hve oft hefur þú farið að sjá eldgosið? Aldrei, en hef séð það á vefmyndavél :) Uppáhalds Fóstbræðraatriði? Indriði. Uppáhalds uppátækið frá framhaldsskólaárunum? Busavígslan á fjórða ári í FB. Breiðhyltingar gera hlutina af alvöru og kalla ekki allt ömmu sína í þeim efnum. Rómantískasta uppátækið? Fossinn Dynjandi… segi ekki meir ;)
Oddvitaáskorunin Alþingiskosningar 2021 Norðvesturkjördæmi Framsóknarflokkurinn Mest lesið Smashing Pumpkins pumpuðu upp stemningu – en listin varð undir hávaðanum Gagnrýni „Þetta var eins og Atlantis sem sökk“ Lífið Leggst undir hnífinn vegna brjóstakrabbameins og frestar túrnum Lífið Kaupa glæsihús frænku Patriks Lífið Býr beint fyrir neðan barnsmóður sína Lífið Eru smáhrifavaldar að taka yfir markaðinn? Lífið Fjölgar í fjölskyldu Maríu Birtu og Ella Lífið Hafdís Huld bæjarlistamaður Mosfellsbæjar Lífið Klæddist brúðarkjólnum daglega í stúdentsprófunum Tíska og hönnun Vinsælast á Netflix og Spotify: Kóreskir djöflaveiðarar tröllríða öllu Lífið Fleiri fréttir Leggst undir hnífinn vegna brjóstakrabbameins og frestar túrnum „Þetta var eins og Atlantis sem sökk“ Hafdís Huld bæjarlistamaður Mosfellsbæjar Vinsælast á Netflix og Spotify: Kóreskir djöflaveiðarar tröllríða öllu Silkimjúk súpa fyrir sálina Eru smáhrifavaldar að taka yfir markaðinn? Sex bestu veitingastaðirnir í Skandinavíu Býr beint fyrir neðan barnsmóður sína Fjölgar í fjölskyldu Maríu Birtu og Ella Ástarleikir á fjölbreyttum stöðum Fullkominn kókos og chiagrautur að hætti Elísabetar Mettu Sóley og Kormákur skáluðu í síðsumarsólinni Segir lýtaaðgerðir hennar leið til að eldast með reisn Kaupa glæsihús frænku Patriks Opnar sig eftir handtökuna Töluðu íslensku við mannhafið Hin 93 ára Jóhanna skríður enn um garðinn til að halda honum fínum Fárveik í París Fullkominn brúðkaupsdagur í sænskum kastala Skiptir stærðin raunverulega máli? Berbrjósta og bleikhærðar með byltingu Taylor Swift trúlofuð Taumlaus gleði og stjörnum prýddir tónleikar Stórstjörnur í mögulegum ástarþríhyrningi Leikur Elsu Lund í fatla eftir vondan skell Segir Gleðigönguna ekki vera fyrir sig en styður baráttuna Einbýlishús með möguleika á makaskiptum Sagan þegar Villi Vill ákvað að lagið Söknuður yrði í eigin jarðarför Frumsýning á Vísi: Stikla fyrir aðra seríu af Bannað að hlæja Dansinn dunaði á Menningarnótt Sjá meira