Lífið

Grínistinn Sean Lock er látinn

Atli Ísleifsson skrifar
Sean Lock var reglulegur gestur í gamansömum spjallborðsþáttum BBC, meðal annars 8 Out of 10 Cats.
Sean Lock var reglulegur gestur í gamansömum spjallborðsþáttum BBC, meðal annars 8 Out of 10 Cats. Getty

Breski grínistinn Sean Lock er látinn, 58 ára að aldri. Umboðsmaður Locks staðfestir í samtali við BBC að hann hafi látist af völdum krabbameins.

Lock var þekktur fyrir þátttöku sína í breskum pallborðsþáttum, bæði á BBC og Channel 4, þeirra á meðal 8 Out of 10 Cats þar sem hann gegndi hlutverki liðsstjóra.

Í frétt BBC segir að hann hafi einnig verið reglulegur gestur í þáttunum QI, The Last Leg, Have I Got News for You og The Big Fat Quiz of the Year.

Lock fæddist í Surrey og hætti í skóla snemma á níunda áratugnum og hóf þá störf sem iðnaðarmaður. Hann fékk á þeim árum húðkrabbamein en jafnaði sig að fullu og fór þá að einblína á feril sinn sem grínisti í sjónvarpi.

Lock gegndi hlutverki liðsstjóra í 8 Out of 10 Cats fyrstu átján þáttaraðirnar, þar sem hann keppti bæði á móti þeim Jason Manford og Jon Richardson auk gesta. Jimmy Carr hefur verið stjórnandi þáttanna. Lock hætti í þáttunum árið 2015 og tók Rob Beckett þá við stöðunni.

Fjölmargir hafa minnst Lock, þeirra á meðal samstarfsmenn hans í sjónvarpi. 

Andlát Bíó og sjónvarp Bretland


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.