Mladic var árið 2017 dæmdur í lífstíðarfangelsi fyrir þátt sinn í þjóðernishreinsunum í Bosníu, sérstaklega í ódæðinu í Srebrenica árið 1995, þegar um átta þúsund Bosníu-múslimar voru myrtir.
Fórnarlömbin voru karlmenn og ungir drengir í bænum.
Mladic ákvað að áfrýja dómnum en saksóknarar hafa lagst hart gegn því og fóru fram á það þegar áfrýjunin var tekin fyrir að fremur ætti að dæma Mladic fyrir fleiri glæpi, þar á meðal þjóðarmorð.
Mladic hefur hinsvegar fordæmt dómstólinn, sem hann segir algerlega undir stjórn vestrænna ríkja en lögfræðingar hans hafa haldið því fram að hann hafi verið langt í burtu frá Srebrenica þegar ódæðið var framið.
Fjöldamorðin í Srebrenica, sem framin voru á svæði sem átti að vera undir vernd Sameinuðu Þjóðanna, er eitt versta ódæði sem framið hefur verið í Evrópu frá lokum seinni heimstyrjaldarinnar.
