Sig­valdi Björn og Haukur meistarar með Ki­elce

Sigur Kielce kom lítið á óvart en liðið hefur unnið alla 25 leiki sína í deildinni til þessa. Aðeins er ein umferð eftir og þar með ljóst að Orlen Wisla Plock sem situr í öðru sæti getur ekki jafnað Kielce að stigum.

Íslendingaliðið fagnaði þar með sínum 18. meistaratitli í gærkvöld þó bikarinn fari ekki á loft fyrr en á sunnudag þegar Orlen Wisla Plock mætir á heimavöll meistaranna.

Sigvaldi Björn skoraði fimm mörk í liði Kielce í gær en Haukur lék ekki með liðinu þar sem hann er enn að jafna sig á krossbandsslitum sem hann varð fyrir í haust. Íslendingarnir gengu báðir til liðs við félagið síðasta sumar.