Lokaumferð Olís-deildarinnar fór fram í gær en þá réðist hvaða lið röðuðust í sæti þrjú til átta.
Fyrir lokaumferðina var ljóst hvaða lið yrðu í tveimur efstu sætunum (Haukar og FH), hvaða átta lið kæmust í úrslitakeppnina og hvaða lið féllu (Þór og ÍR).
Í Seinni bylgjunni í dag fer Henry Birgir Gunnarsson yfir leikina sex sem voru í gær með þeim Einari Andra Einarssyni og Rúnari Sigtryggssyni.
Mikið gekk á í leik Akureyrarliðanna KA og Þórs þar sem mönnum var heitt í hamsi, innan vallar sem utan. Þá var talsverð spenna í leikjum FH og ÍBV og Stjörnunnar og Fram.
Úrslitin í lokaumferðinni
- Stjarnan 27-29 Fram
- Afturelding 25-34 Valur
- KA 19-19 Þór
- FH 28-26 ÍBV
- Haukar 41-22 ÍR
- Grótta 23-27 Selfoss
Lokastaðan í Olís-deildinni
Seinni bylgjan er uppgjörsþáttur Stöðvar 2 Sports um Olísdeildir karla og kvenna í handbolta og er á dagskrá öll mánudagskvöld. Upptökur af þættinum má nálgast á sjónvarpsvef Stöðvar 2. Olísdeildin er hluti af Stöð 2 Sport Ísland.
