Hiti við 20 gráður fyrir norðan

Norð­lendingar hafa getað notið hitans vel því í dag var heið­skírt og stillt veður.

Daníel Þor­láks­son, veður­fræðingur hjá Veður­stofunni, segir að veðrið verði svipað á morgun fyrir norðan; mjög hlýtt, heið­skírt og stillt.

Hann úti­lokar þá ekki að í borginni verði veðrið eitt­hvað í átt við það sem er á Norður­landi þó ljóst sé að hér verði ör­lítið meiri vindur og að hitinn fari ekki svo hátt. „Ef allt gengur upp gætum við þó farið upp í alveg 14, 15 gráður hérna á morgun,“ segir hann.