Lífið

Daði Freyr og Gagna­magnið tólftu „á svið“ líkt og síðasti sigur­vegari

Atli Ísleifsson skrifar
Daði Freyr og gagnamagnið voru áttundu á svið á seinna undankvöldinu, en verða tólftu á svið á úrslitakvöldinu.
Daði Freyr og gagnamagnið voru áttundu á svið á seinna undankvöldinu, en verða tólftu á svið á úrslitakvöldinu. EPA

Daði Freyr og Gagnamagnið verða tólftu „á svið“ á úrslitakvöldi Eurovision sem fram fer í Rotterdam í Hollandi annað kvöld. Frá þessu var greint seint í gærkvöldi, en áður hafði verið tilkynnt að Ísland yrði í fyrri helmingi þeirra laga sem flutt verða.

Vegna kórónuveirusmits Jóhanns Sigurðar í Gagnamagninu mun sveitin ekki flytja lag sitt í beinni útsendingu og verður þess í stað áfram notast við upptökuna frá seinni æfingu hópsins, þá sömu og skilaði laginu í úrslitin.

Á vef Eurovision má sjá að það verður hin kýpverska Elena Tsagrinou og lag hennar, El Diablo, sem mun verða fyrst á svið. Má því ljóst vera að fjör verður frá fyrstu mínútu.

Svissneska framlagið, Tout l'Univers með Gjon's Tears, er ellefta í röðinni, það er á undan 10 Years, lagið Daða Freys og félaga, og hið spænska Voy A Querdarme verður flutt á eftir íslenska laginu.

San Marinó verður svo síðast á svið.

Til gamans má geta að síðasti sigurvegari Eurovision, hinn hollenski Duncan Laurence og lag hans Arcade, var tólfti á svið á úrslitakvöldi Eurovision 2019.

Að neðan má sjá röð laganna á laugardaginn.

  1. Kýpur / Elena Tsagrinou - El Diablo
  2. Albanía / Anxhela Peristeri - Karma
  3. Ísrael/ Eden Alene - Set Me Free
  4. Belgía / Hooverphonic - The Wrong Place
  5. Rússland / Manizha - Russian Woman
  6. Malta / Destiny - Je Me Casse
  7. Portúgal / The Black Mamba - Love Is On My Side
  8. Serbía / Hurricane - Loco Loco
  9. Bretland / James Newman - Embers
  10. Grikkland / Stefania - Last Dance
  11. Sviss / Gjon's Tears - Tout l'Univers
  12. Ísland / Daði Freyr og Gagnamagnið - 10 Years
  13. Spánn / Blas Cantó - Voy A Querdarme
  14. Moldóva / Natalia Gordienko - SUGAR
  15. Þýskaland / Jendrik - I Don't Feel Hate
  16. Finnland / Blind Channel - Dark Side
  17. Búlgaría / Victoria - Growing Up is Getting Old
  18. Litháen / The Roop - Discoteque
  19. Úkraína / Go_A - Shum
  20. Frakkland / Barbara Pravi - Voilà
  21. Aserbaídsjan / Efendi - Mata Hari
  22. Noregur / TIX - Fallen Angel
  23. Holland / Jeangu Macrooy - Birth of a New Age
  24. Ítalía / Måneskin - Zitti E Buoni
  25. Svíþjóð / Tusse - Voices
  26. San Marínó / Senhit - Adrenalina
Eurovision

Tengdar fréttir

Útilokað að Daði og Gagnamagnið stígi á svið

Daði Freyr Pétursson útilokaði í viðtali eftir Eurovision í kvöld að hann og Gagnamagnið stigju á svið í Rotterdam á laugardaginn. Sama upptaka og var spiluð áðan verður spiluð aftur á laugardaginn, nánar tiltekið í fyrri hálfleik keppninnar.

Daði og Gagnamagnið komust áfram

Ísland er á meðal þeirra þjóða sem komast áfram í lokakeppni Eurovision. Þetta varð ljóst rétt í þessu þegar úrslit atkvæðagreiðslunnar voru kynnt. 10 þjóðir komust áfram af 16 keppendum.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.