Fótbolti

Mikil­vægur sigur Dort­mund tryggði Bayern titilinn

Anton Ingi Leifsson skrifar
Sancho hress og kátur eftir að hafa skorað sigurmark Dortmund í kvöld.
Sancho hress og kátur eftir að hafa skorað sigurmark Dortmund í kvöld. Martin Meissner/Getty

Dortmund vann mikilvægan sigurí baráttunni um Meistaradeildarsæti á Þýskalandi er liðið vann 3-2 sigur á RB Leipzig. Sigurinn tryggði Bayern jafnframt þýska titilinn.

Dortmund byrjaði vel og Marco Reus kom þeim gulklæddu yfir á sjöundu mínútu. Jadon Sancho tvöfaldaði forystuna á 51. mínútu og útlitið gott.

Lukas Klostermann minnkaði muninn á 63. mínútu og þrettán mínútum fyrir leikslok jafnaði Daniel Olmo metin.

Það var svo Jadon Sancho sem skoraði sigurmarkið á 87. mínútu og lokatölur 3-2.

Leipzig getur þar af leiðandi ekki náð toppliði Bayern Munchen en Dortmund er í fjórða sætinu með 58 stig.

Þeir eru með tveimur stigum meira en Frankfurt sem er sæti neðar með 56 stig. Þeir síðarnefndu eiga þó leik til góða.

Tvær umferðir eru svo eftir af þýska boltanum.

Þýski boltinn Þýskaland

Mest lesið


Fleiri fréttir

Sjá meira


×

Mest lesið