Komst út á hnjánum vafinn í sæng og svo haldið sofandi í mánuð Kristín Ólafsdóttir skrifar 28. apríl 2021 10:41 Frá vettvangi brunans 25. júní. Vísir/vilhelm Íbúi að Bræðraborgarstíg 1, sem brann til kaldra kola síðdegis 25. júní, var tvo mánuði á sjúkrahúsi og þar af haldið sofandi í mánuð eftir brunann. Hann þurfti að gangast undir húðágræðslu vegna brunasára. Þá lýsti hann því að þegar var byrjað að skíðloga í húsinu þegar hann áttaði sig á því að kviknað væri í. Aðalmeðferð í máli ákæruvaldsins gegn Marek Moszczynski, pólskum karlmanni á sjötugsaldri, hófst á ný í morgun. Hún hefur staðið yfir síðan á mánudag. Marek er ákærður fyrir að hafa orðið þremur að bana með íkveikju að Bræðraborgarstíg 1 síðdegis 25. júní. Hann heldur fram sakleysi sínu og er jafnframt metinn ósakhæfur. Íbúinn, pólskur karlmaður, gat ekki mætt fyrir dóminn í morgun þar sem hann greindist með Covid í gær. Hann gaf því símaskýrslu. Maðurinn var heima þegar kviknaði í og lýsti, eins og margir aðrir hafa gert, skrýtinni hegðun Mareks áður en bruninn varð. Maðurinn lýsti því að Marek hefði komið inn til hans að minnsta kosti tvisvar þetta síðdegi og einnig farið inn til nágrannakonu þeirra. Maðurinn sagði Marek hafa gengið um, verið öðruvísi en hann átti að sér að vera, sagt eitthvað „glórulaust“ og skilið „hálfar tíu þúsund krónur“ eftir inni hjá honum. Marek hefði svo farið og maðurinn horft á sjónvarpið en fyrir tilviljun svo farið fram á gang. Þá hefði þegar skíðlogað í húsinu en hann ekki tekið eftir neinu – verið alveg grunlaus. „Það var sjokkerandi að sjá á hvaða stig eldurinn var kominn.“ Hann sagði það skrýtið að hafa hvorki heyrt neitt í eldinum né fundið lykt. Sá Marek ekki kveikja í Maðurinn kvaðst svo hafa séð að „loftið var farið“ og farið aftur inn í herbergið en ekki komist út um gluggann. Reykurinn hefði þá verið byrjaður að koma undir hurðina svo hann vafði utan um sig sæng og fór á hnjánum út ganginn. Hann sagði að erfitt hefði verið að ná andanum en náð að komast út. Maðurinn brenndist illa á hnjám, baki og höndum. Græða þurfti húð af fótum á bak og hendur hans. Hann sagðist hafa verið tvo mánuði á sjúkrahúsi og haldið sofandi í mánuð. Maðurinn hefur náð sér ágætlega í dag en kvaðst með mikið af örum. Þá væru litlar líkur á að áverkar á tveimur fingrum lagist nokkurn tímann. Hann væri undir eftirliti lækna, sæki tíma hjá sjúkraþjálfara og sálfræðingi. Þetta hefði örugglega haft á hann áhrif andlega. Stefán Karl Kristjánsson verjandi Mareks beindi aðeins einni spurningu að manninum: „Sástu Marek kveikja í?“ „Nei,“ svaraði maðurinn. Hefði getað látist Það sem af er morgni hafa sérfræðingar á Landspítala, sem tóku á móti íbúum eftir brunann 25. júní, komið fyrir dóminn. Einn sérfræðingurinn lýsti því að einn sjúklingurinn, sem hlaut höfuðáverka og heilablæðingu eftir að hafa fallið frá þriðju hæð hússins, hefði getað látist af áverkunum sem hann hlaut. Þrír létust í brunanum, tvær konur og einn karl - öll á þrítugsaldri. Réttarlæknir lýsti því fyrir dómi að dánarorsök tveggja hefði verið koloxíðeitrun en þau fundust bæði látin inni í húsinu. Dánarorsök hinnar konunnar hefði verið höfuðáverkar eftir fall af þriðju hæð, þar sem hún rak höfuðið í ruslagám. Það var mat réttarlæknisins að hún hefði látist innan nokkurra mínútna frá höfuðhögginu. Bruni á Bræðraborgarstíg Reykjavík Dómsmál Tengdar fréttir Hélt á kveikjara þegar hann var handtekinn við rússneska sendiráðið Marek Moszczynski, sem ákærður er fyrir að hafa banað þremur með íkveikju við Bræðraborgarstíg í fyrrasumar, hélt á kveikjara þegar hann var handtekinn við rússneska sendiráðið skömmu eftir að kveikt var í húsinu þann 25. júní. 27. apríl 2021 16:41 Hvarf inn í reykinn og sást ekki meir Lögreglumenn sem voru með þeim fyrstu á vettvang brunans að Bræðraborgarstíg 1 í fyrrasumar lýsa algjöru „kaosástandi“. Fólk hafi legið í götunni eftir að hafa kastað sér út úr húsinu og ekki hafi verið unnt að hjálpa öllum; maður á þriðju hæð hafi til dæmis „horfið inn í reykinn“ og ekki sést meir. 27. apríl 2021 13:47 Íslenska parið neitar því að hafa kveikt í húsinu Íslenskt par sem bjó á fyrstu hæð hússins að Bræðraborgarstíg 1, sem brann til grunna síðasta sumar, neitar því að hafa átt þátt í íkveikjunni. Þau voru bæði heima þegar eldurinn kviknaði og lýsa skelfilegri atburðarás síðdegis 25. júní 2020. 27. apríl 2021 10:41 Mest lesið Málinu lokið með sátt: „Við erum mjög sáttar með niðurstöðuna“ Innlent Dómur yfir Erni Geirdal mildaður Innlent Sári djúpt snortinn yfir stuðningi Innlent Segir nafn Trumps vera í Epstein-skjölunum Erlent Leigubílstjórar ósáttir við lokun skúrsins: „Aumingjaskapur í þeim“ Innlent Biðjast afsökunar á ummælum björgunarmanns Innlent Ferðamaður ók húsbíl niður göngustíg Innlent Braust inn hjá vinsælum hársnyrti og hafði af honum vegabréfið Innlent Trump segist „mjög vonsvikinn“ út í Elon og ekki viss um að þeir geti átt gott samband Erlent Strætó dældi milljónum í öryggisgæslu í Mjódd Innlent Fleiri fréttir Nýtt slagorð Ísland Duty Free: „Ég er á leiðinni“ Börn verði að fá þau skilaboð að ofbeldi gegn þeim sé aldrei réttlætanlegt Gestum ráðið frá að heimsækja Dettifoss vegna stórrar skriðu Inga Sæland segist vera allt of löt að hreyfa sig Fá Barnaverndarmál leiða til ákæru og Herkastalinn í nýjar hendur Ísland, þvert á flokka boðar til annarra mótmæla Parísarhjólið rís á ný Lögregla fann bakpoka fullan af skilríkjum Braust inn hjá vinsælum hársnyrti og hafði af honum vegabréfið Sérsveitin kölluð út vegna vopnaðs manns Ferðamaður ók húsbíl niður göngustíg Biðjast afsökunar á ummælum björgunarmanns Dómar fólks sem sótti fíkniefni fyrir salann sinn mildaðir Dómur yfir Erni Geirdal mildaður Óskýrt hvort loftbyssuskot að hinsegin fólki hafi verið hatursglæpur Ljósmyndaskólinn lokar dyrum sínum: „Þetta er mikil sorg“ Málinu lokið með sátt: „Við erum mjög sáttar með niðurstöðuna“ Fimmtíu vilja nýja stöðu verkefnastjóra samskipta Metfjöldi barna í Kvennaathvarfinu Þaggaði niður í þingmönnum sem sögðu Kristrúnu snúa út úr Ekkert sem bendi til þess að Víðir hafi stigið yfir strikið Leigubílstjórar ósáttir við lokun skúrsins: „Aumingjaskapur í þeim“ „Þetta er úrkoma sem má vænta á einhverra áratuga fresti“ Metfjöldi barna í Kvennaathvarfinu og sérfræðingur segir Víði ekki hafa brotið reglur Álverið vildi ekki þurfa að vakta Norðurá og firðina Bein útsending: HÍ og heimsmarkmiðin – Hagvöxtur og hagsæld á tímum umbreytinga Strætó dældi milljónum í öryggisgæslu í Mjódd Banna lagningu bíla í beygjum í Álakvísl Með hvalssporð um hálsinn við þingfestingu Sári djúpt snortinn yfir stuðningi Sjá meira
Aðalmeðferð í máli ákæruvaldsins gegn Marek Moszczynski, pólskum karlmanni á sjötugsaldri, hófst á ný í morgun. Hún hefur staðið yfir síðan á mánudag. Marek er ákærður fyrir að hafa orðið þremur að bana með íkveikju að Bræðraborgarstíg 1 síðdegis 25. júní. Hann heldur fram sakleysi sínu og er jafnframt metinn ósakhæfur. Íbúinn, pólskur karlmaður, gat ekki mætt fyrir dóminn í morgun þar sem hann greindist með Covid í gær. Hann gaf því símaskýrslu. Maðurinn var heima þegar kviknaði í og lýsti, eins og margir aðrir hafa gert, skrýtinni hegðun Mareks áður en bruninn varð. Maðurinn lýsti því að Marek hefði komið inn til hans að minnsta kosti tvisvar þetta síðdegi og einnig farið inn til nágrannakonu þeirra. Maðurinn sagði Marek hafa gengið um, verið öðruvísi en hann átti að sér að vera, sagt eitthvað „glórulaust“ og skilið „hálfar tíu þúsund krónur“ eftir inni hjá honum. Marek hefði svo farið og maðurinn horft á sjónvarpið en fyrir tilviljun svo farið fram á gang. Þá hefði þegar skíðlogað í húsinu en hann ekki tekið eftir neinu – verið alveg grunlaus. „Það var sjokkerandi að sjá á hvaða stig eldurinn var kominn.“ Hann sagði það skrýtið að hafa hvorki heyrt neitt í eldinum né fundið lykt. Sá Marek ekki kveikja í Maðurinn kvaðst svo hafa séð að „loftið var farið“ og farið aftur inn í herbergið en ekki komist út um gluggann. Reykurinn hefði þá verið byrjaður að koma undir hurðina svo hann vafði utan um sig sæng og fór á hnjánum út ganginn. Hann sagði að erfitt hefði verið að ná andanum en náð að komast út. Maðurinn brenndist illa á hnjám, baki og höndum. Græða þurfti húð af fótum á bak og hendur hans. Hann sagðist hafa verið tvo mánuði á sjúkrahúsi og haldið sofandi í mánuð. Maðurinn hefur náð sér ágætlega í dag en kvaðst með mikið af örum. Þá væru litlar líkur á að áverkar á tveimur fingrum lagist nokkurn tímann. Hann væri undir eftirliti lækna, sæki tíma hjá sjúkraþjálfara og sálfræðingi. Þetta hefði örugglega haft á hann áhrif andlega. Stefán Karl Kristjánsson verjandi Mareks beindi aðeins einni spurningu að manninum: „Sástu Marek kveikja í?“ „Nei,“ svaraði maðurinn. Hefði getað látist Það sem af er morgni hafa sérfræðingar á Landspítala, sem tóku á móti íbúum eftir brunann 25. júní, komið fyrir dóminn. Einn sérfræðingurinn lýsti því að einn sjúklingurinn, sem hlaut höfuðáverka og heilablæðingu eftir að hafa fallið frá þriðju hæð hússins, hefði getað látist af áverkunum sem hann hlaut. Þrír létust í brunanum, tvær konur og einn karl - öll á þrítugsaldri. Réttarlæknir lýsti því fyrir dómi að dánarorsök tveggja hefði verið koloxíðeitrun en þau fundust bæði látin inni í húsinu. Dánarorsök hinnar konunnar hefði verið höfuðáverkar eftir fall af þriðju hæð, þar sem hún rak höfuðið í ruslagám. Það var mat réttarlæknisins að hún hefði látist innan nokkurra mínútna frá höfuðhögginu.
Bruni á Bræðraborgarstíg Reykjavík Dómsmál Tengdar fréttir Hélt á kveikjara þegar hann var handtekinn við rússneska sendiráðið Marek Moszczynski, sem ákærður er fyrir að hafa banað þremur með íkveikju við Bræðraborgarstíg í fyrrasumar, hélt á kveikjara þegar hann var handtekinn við rússneska sendiráðið skömmu eftir að kveikt var í húsinu þann 25. júní. 27. apríl 2021 16:41 Hvarf inn í reykinn og sást ekki meir Lögreglumenn sem voru með þeim fyrstu á vettvang brunans að Bræðraborgarstíg 1 í fyrrasumar lýsa algjöru „kaosástandi“. Fólk hafi legið í götunni eftir að hafa kastað sér út úr húsinu og ekki hafi verið unnt að hjálpa öllum; maður á þriðju hæð hafi til dæmis „horfið inn í reykinn“ og ekki sést meir. 27. apríl 2021 13:47 Íslenska parið neitar því að hafa kveikt í húsinu Íslenskt par sem bjó á fyrstu hæð hússins að Bræðraborgarstíg 1, sem brann til grunna síðasta sumar, neitar því að hafa átt þátt í íkveikjunni. Þau voru bæði heima þegar eldurinn kviknaði og lýsa skelfilegri atburðarás síðdegis 25. júní 2020. 27. apríl 2021 10:41 Mest lesið Málinu lokið með sátt: „Við erum mjög sáttar með niðurstöðuna“ Innlent Dómur yfir Erni Geirdal mildaður Innlent Sári djúpt snortinn yfir stuðningi Innlent Segir nafn Trumps vera í Epstein-skjölunum Erlent Leigubílstjórar ósáttir við lokun skúrsins: „Aumingjaskapur í þeim“ Innlent Biðjast afsökunar á ummælum björgunarmanns Innlent Ferðamaður ók húsbíl niður göngustíg Innlent Braust inn hjá vinsælum hársnyrti og hafði af honum vegabréfið Innlent Trump segist „mjög vonsvikinn“ út í Elon og ekki viss um að þeir geti átt gott samband Erlent Strætó dældi milljónum í öryggisgæslu í Mjódd Innlent Fleiri fréttir Nýtt slagorð Ísland Duty Free: „Ég er á leiðinni“ Börn verði að fá þau skilaboð að ofbeldi gegn þeim sé aldrei réttlætanlegt Gestum ráðið frá að heimsækja Dettifoss vegna stórrar skriðu Inga Sæland segist vera allt of löt að hreyfa sig Fá Barnaverndarmál leiða til ákæru og Herkastalinn í nýjar hendur Ísland, þvert á flokka boðar til annarra mótmæla Parísarhjólið rís á ný Lögregla fann bakpoka fullan af skilríkjum Braust inn hjá vinsælum hársnyrti og hafði af honum vegabréfið Sérsveitin kölluð út vegna vopnaðs manns Ferðamaður ók húsbíl niður göngustíg Biðjast afsökunar á ummælum björgunarmanns Dómar fólks sem sótti fíkniefni fyrir salann sinn mildaðir Dómur yfir Erni Geirdal mildaður Óskýrt hvort loftbyssuskot að hinsegin fólki hafi verið hatursglæpur Ljósmyndaskólinn lokar dyrum sínum: „Þetta er mikil sorg“ Málinu lokið með sátt: „Við erum mjög sáttar með niðurstöðuna“ Fimmtíu vilja nýja stöðu verkefnastjóra samskipta Metfjöldi barna í Kvennaathvarfinu Þaggaði niður í þingmönnum sem sögðu Kristrúnu snúa út úr Ekkert sem bendi til þess að Víðir hafi stigið yfir strikið Leigubílstjórar ósáttir við lokun skúrsins: „Aumingjaskapur í þeim“ „Þetta er úrkoma sem má vænta á einhverra áratuga fresti“ Metfjöldi barna í Kvennaathvarfinu og sérfræðingur segir Víði ekki hafa brotið reglur Álverið vildi ekki þurfa að vakta Norðurá og firðina Bein útsending: HÍ og heimsmarkmiðin – Hagvöxtur og hagsæld á tímum umbreytinga Strætó dældi milljónum í öryggisgæslu í Mjódd Banna lagningu bíla í beygjum í Álakvísl Með hvalssporð um hálsinn við þingfestingu Sári djúpt snortinn yfir stuðningi Sjá meira
Hélt á kveikjara þegar hann var handtekinn við rússneska sendiráðið Marek Moszczynski, sem ákærður er fyrir að hafa banað þremur með íkveikju við Bræðraborgarstíg í fyrrasumar, hélt á kveikjara þegar hann var handtekinn við rússneska sendiráðið skömmu eftir að kveikt var í húsinu þann 25. júní. 27. apríl 2021 16:41
Hvarf inn í reykinn og sást ekki meir Lögreglumenn sem voru með þeim fyrstu á vettvang brunans að Bræðraborgarstíg 1 í fyrrasumar lýsa algjöru „kaosástandi“. Fólk hafi legið í götunni eftir að hafa kastað sér út úr húsinu og ekki hafi verið unnt að hjálpa öllum; maður á þriðju hæð hafi til dæmis „horfið inn í reykinn“ og ekki sést meir. 27. apríl 2021 13:47
Íslenska parið neitar því að hafa kveikt í húsinu Íslenskt par sem bjó á fyrstu hæð hússins að Bræðraborgarstíg 1, sem brann til grunna síðasta sumar, neitar því að hafa átt þátt í íkveikjunni. Þau voru bæði heima þegar eldurinn kviknaði og lýsa skelfilegri atburðarás síðdegis 25. júní 2020. 27. apríl 2021 10:41