Leeds United og Manchester United skildu jöfn, 0-0, í tilþrifalitlum leik í ensku úrvalsdeildinni í fótbolta í dag. Þeir síðarnefndu misstu af tækifæri til að setja pressu á granna sína frá Manchester-borg í titilbarátunni.
Fátt er hægt að taka til úr leik liðanna í dag sem var ekki mikið fyrir augað. Luke Shaw hefði getað fengið á sig vítaspyrnu í fyrri hálfleik þegar hann var talinn handleika knöttinn innan teigs en myndbandsdómarar voru ekki á því.
Leiknum lauk 0-0 og er Manchester United með 67 stig í öðru sæti, tíu frá toppliði Manchester City, þegar fimm leikir eru eftir. Stigið skýtur Leeds upp fyrir Arsenal í níunda sæti þar sem þeir hvítklæddu eru með 47 stig.