Bein útsending: Kvöldfréttir Stöðvar 2

María Heimisdóttir, forstjóri Sjúkratrygginga Íslands, segir að reynt verði að tryggja útivist allra gesta og að börn verði í sérstökum forgangi. Rætt er við Maríu í kvöldfréttum okkar klukkan 18:30.

Einnig heyrum við í Gylfa Þór Þorsteinssyni, umsjónarmanni sóttvarnahúsa en nýtt sóttkvíarhótel verður líklega tekið í notkun á morgun þegar von er á átta flugvélum til landsins.

Þá fjöllum við um eldgosið á Reykjanesskaga og ræðum við Víði Reynisson hjá almannavörnum um nýja sprungu sem opnaðist í nótt.

Við fjöllum líka um tólf tilkynningar um meint ofbeldi af hálfu starfsfólks í leik- og grunnskólum Reykjavíkurborgar sem bárust barnavernd Reykjavíkur í fyrra.

Á léttari nótunum er sagt frá krummapari á Selfossi sem hefur heldur betur komið á óvart með varpstað því þau hafa gert sér laup hátt uppi í byggingakrana.

Þetta og margt fleira á samtengdum rásum Stöðvar 2 og Bylgjunnar klukkan 18:30.

Kvöldfréttirnar eru í lokaðri dagskrá en áskrifendur geta horft á þær hér á stod2.is. Einnig er hægt að hlusta á fréttirnar á Bylgjunni hér í spilaranum fyrir ofan.