Breska ríkisstjórnin tilkynnti í morgun breytingu á sóttvarnarreglum þar í landi og ljóst er að áhorfendur verða leyfðir á leiknum.
Aðeins verða átta þúsund áhorfendur leyfðir en leikurinn fer fram á Wembley-vellinum í Lundúnum. Tekur völlurinn 90 þúsund manns í sæti.
Á vef BBC og Sky Sports kemur fram að leikurinn verði notaður sem prufa þegar kemur að hópmyndunum. Stefnt er að því að aflétta öllum takmörkunum vegna Covid-19 í Bretlandi í sumar.
This month's Carabao Cup final between Manchester City and Tottenham at Wembley will be attended by up to 8,000 spectators after it was confirmed as a test event for the return of fans to stadiums.
— Sky Sports News (@SkySportsNews) April 4, 2021
Tottenham Hotspur og Manchester City mætast í úrslitum enska deildarbikarsins þann 25. apríl. Leikurinn verður sýndur beint á Stöð 2 Sport.
Carabao Cup er á Stöð 2 Sport en upplýsingar um útsendingar má finna hér. Carabao Cup er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.
