Oddur tryggði Balin­gen-Weil­stet­ten sigur gegn læri­sveinum Guð­mundar

Lengi vel stefndi í sigur lærisveina Guðmundar Guðmundssonar hjá Melsungen en heimamenn voru fjórum mörkum yfir í hálfleik, staðan þá 16-12. Sóknarleikur þeirra hrundi hins vegar í síðari hálfleik og liðið skoraði aðeins átta mörk.

Gestirnir í Balingen-Weilstetten fóru mikinn í síðari hálfleik og þar fór fremstur Oddur Gretarsson. Hann gerði sér lítið fyrir og skoraði níu af 25 mörkum gestanna í kvöld.

Lokatölur eins og áður sagði 25-24 Balingen-Weilstetten í vil sem þurfti nauðsynlega á stigunum að halda í fallbaráttunni. Liðið er nú í 16. sæti með 13 stig, þremur stigum frá fallsæti. Melsungen er á sama tíma í 11. sæti með 21 stig.