Handbolti

Aron aftur með landsliðinu en enginn úr Olís-deildinni

Ingvi Þór Sæmundsson skrifar
Aron Pálmarsson snýr aftur í íslenska landsliðið.
Aron Pálmarsson snýr aftur í íslenska landsliðið. vísir/vilhelm

Aron Pálmarsson kemur aftur inn í íslenska handboltalandsliðið sem mætir Ísrael í undankeppni EM 2022 í næsta mánuði. Enginn leikmaður úr Olís-deildinni er í íslenska hópnum.

Aron lék ekki með íslenska liðinu á HM í Egyptalandi í síðasta mánuði vegna meiðsla. Hann hefur hins vegar fengið bót meina sinna og verður með íslenska liðinu í leiknum í Ísrael 11. mars.

Björgvin Páll Gústavsson, Kári Kristján Kristjánsson og Magnús Óli Magnússon, sem leika í Olís-deildinni og voru með á HM í Egyptalandi, eru ekki í hópnum sem telur sextán leikmenn. 

Hægri skytturnar Alexander Petersson og Kristján Örn Kristjánsson sem voru með á HM eru heldur ekki í hópnum en þeir hafa glímt við meiðsli.

Einn nýliði er í hópnum, Óskar Ólafsson sem leikur með Drammen í Noregi. Hann var valinn í íslenska hópinn fyrir leikinn gegn Litáen í nóvember en var ekki á skýrslu í leiknum sjálfum.

Landsliðshópurinn

Markverðir:

  • Ágúst Elí Björgvinsson, KIF Kolding (38/1)
  • Viktor Gísli Hallgrímsson, GOG (22/1)

Vinstra horn:

  • Bjarki Már Elísson, Lemgo (79/219)
  • Oddur Grétarsson, Balingen-Weistetten (26/36)

Vinstri skytta:

  • Aron Pálmarsson, Barcelona (149/579)
  • Ólafur Guðmundsson, IFK Kristianstad (131/258)
  • Óskar Ólafsson, Drammen (0/0)

Leikstjórnendur:

  • Elvar Örn Jónsson, Skjern (43/111)
  • Gísli Þorgeir Kristjánsson, SC Magdeburg (32/51)

Hægri skytta:

  • Ómar Ingi Magnússon, SC Magdeburg (53/139)
  • Viggó Kristjánsson, Stuttgart (18/44)

Hægra horn:

  • Arnór Þór Gunnarsson, Bergischer HCC (120/341)
  • Sigvaldi Björn Guðjónsson, Vive Kielce (36/73)

Línumenn:

  • Arnar Freyr Arnarsson, MT Melsungen (60/75)
  • Elliði Viðarsson, Gummersbach (13/14)
  • Ýmir Örn Gíslason, Rhein-Neckar Löwen (50/23)
EM 2022 í handbolta

Mest lesið


Fleiri fréttir

Sjá meira


×

Mest lesið