Rýma þrjú hús vegna snjóflóðahættu á Seyðisfirði

Rýmingin nær til reita 4 og 6 á Seyðisfirði sem sjá má á meðfylgjandi korti. Íbúar á þessum svæðum hafa þegar verið upplýstir um rýminguna en um er að ræða sjö einstaklinga sem búa í þremur húsum. Að svo stöddu er ekki gert ráð fyrir frekari rýmingu að því er segir í tilkynningunni. Enn sé þó vel fylgst með hjá ofanflóðavakt Veðurstofunnar og tilkynnt verður um frekari ráðstafanir ef til þeirra kemur.

Þór, varðskip Landhelgisgæslunnar mun fljótlega fara yfir til Seyðsfjarðar en það er nú statt á Reyðarfirði. Tekið er fram í tilkynningunni að um öryggisráðstöfun sé að ræða.