Kjaradeila framhaldsskólakennara til sáttasemjara

Félögin hafa verið samningslaus frá 1. janúar á þessu ári. Þetta kemur fram í tilkynningu frá Kennarasambandi Íslands.

Kjaraviðræður hafa staðið frá því í september en þær viðræður hafa ekki þróast með þeim hætti sem aðilar væntu.

Þann 17. apríl 2020 var stuttur samningur undirritaður sem gilti til áramóta. Samkvæmt honum átti að vinna að nýjum samningi.

Samninganefndir eru sammála um að viðræður hafi ekki skilað ásættanlegum árangri og hafa því leitað til embættis ríkissáttasemjara um miðlun mála.