Stuðlabandið og Frikki Dór komu fram á tíu ára afmæli Kótelettunnar á Selfossi helgina 7.-9. júní á síðasta ári.
Um er að ræða eina stærstu grill- og tónlistarhátíð á ári hverju á Íslandi.
Stuðlabandið birti í dag myndband frá tónleikum á Facebook-síðu bandsins sem þeir stóðu fyrir ásamt Friðriki Dór en í myndbandinu tekur söngvarinn lagið vinsæla Dönsum eins og hálfvitar.
Um þrjú þúsund manns voru á tónleikunum og var stemningin augljóslega mikil.
