Justin Shouse skrifaði skáldsögu um Ísland þrettán ára gamall og hún rættist

Justin Shouse sagði meðal annars sögun af því hvernig hann kynnti fyrst Íslandi í áttunda bekk löngu áður en hann mætti til landsins til að spila körfubolta. Guðjón Guðmundsson birti þetta brot úr heimildarmyndinni í kvöldfréttum Stöðvar tvö í gær.

„Ég á skrýtna tengingu við Íslands áður en þetta ævintýri varð að veruleika. Þegar ég var í áttunda bekk þá áttum við að skrifa ritgerð um land. Maður mátti velja sér land,“ sagði Justin Shouse og hélt áfram:

„Ég hef alltaf farið ótroðnar slóðir og ég valdi sem sagt Ísland. Nokkrum árum síðar talaði ég um Ísland við þjálfara minn í háskólakörfuboltanum sem var góður vinur Sigurðar Hjörleifssonar umboðsmanns. Hann fer að tala um að tækifæri hafi opnast fyrir mig að spila körfubolta á Íslandi,“ sagði Justin Shouse.

„Ég sagði: Mér fannst alltaf vera eitthvað sem tengdi mig við Ísland. Ég var líka að tala við mömmu sem geymir gamlar greinar úr dagblöðum og alls konar hluti sem ég hafði búið til að í smíða- og handavinnutímum. Hún hafði geymt skýrsluna mína um Ísland og tók hana upp úr þessari stóru kistu sem hún átti,“ sagði Shouse.

„Hún sagði: Mannstu eftir þessu? Ég sagði bara Vá. Þetta var söguleg skáldsaga og ég hafði farið til Íslands til að spila sem atvinnumaður í körfubolta. Stundum er ég stressaður að tala um þetta því það er með ólíkindum að ég hafi skrifað ritgerð um land þar sem ég átti að vera atvinnumaður í körfubolta og það myndi síðan allt rætast. Hverjar eru líkurnar á því miðað við öll löndin í Evrópu þar sem ég gat spilað?,“ sagði Shouse.

Justin Shouse kom til Íslands árið 2015 og er hér enn. Hann átti magnaðan feril í úrvalsdeildinni með Snæfelli og Stjörnunni, varð fjórum sinnum bikarmeistari, lék með íslenska landsliðinu, var tvisvar kosinn leikmaður ársins og er sá sem hefur gefið flestar stoðsendingar í sögu úrvalsdeildar karla.

Heimildarmyndin „Justin Shouse - Kjúklingur og körfubolti“ verður frumsýnd klukkan 20.00 á Stöð 2 Sport í kvöld.

Það má sjá myndbrotið hér fyrir neðan.