Cincinnati Bengals var aðeins búið að vinna tvo af fyrstu tólf leikjum sínum í NFL-deildinni í vetur en vann frekar sannfærandi 27-17 sigur á Pittsburgh Steelers í lokaleik fimmtándu leikviku.
Cincinnati Bengals var 17-0 yfir í hálfleik og 24-10 yfir þegar sex mínútur voru eftir af leiknum.
Þetta gerði Cincinnati Bengals liðið þrátt fyrir að leik án sinna tveggja stærstu stjarna, leikstjórnandans Joe Burrow og hlauparans Joe Mixon.
FINAL: The @Bengals take this AFC North matchup! #SeizeTheDEY #PITvsCIN
— NFL (@NFL) December 22, 2020
(by @Lexus) pic.twitter.com/AAv6cnH2ND
Ryan Finley, þriðji leikstjórnandi liðsins, leiddi liðið til sigurs og hlauparinn og varaskeifan Giovani Bernard átti mjög góðan leik.
Ben Roethlisberger, leikstjórnandi Pittsburgh Steelers, átti ekki góðan leik og liðið hans virðist vera í tómu tjóni.
Steelers vann ellefu fyrstu leiki sína á tímabilinu en hefur nú tapað þremur í röð og ekki skorað yfir tuttugu stig í fjórum síðustu leikjum sínum.
Ryan Finley keeps it for the 23-yard rushing TD!
— NFL (@NFL) December 22, 2020
The @Bengals take a 14-point lead. #SeizeTheDEY
: #PITvsCIN on ESPN
: NFL app // Yahoo Sports app: https://t.co/pZlOokjorx pic.twitter.com/K8GtmUyZ5R
Það héldu flestir að liðið myndi rífa sig upp á móti einu slakasta liði NFL-deildarinnar en annað kom heldur betur á daginn. Í ofanlag var liði að tapa í fyrsta sinn fyrir Bengals síðan 2015.
„Við verðum að kafa djúpt. Við þurfum að finna út hvað er að og verða betri,“ sagði varnarmaðurinn TJ Watt eftir leik.
„Ég hef aldrei hætt að trúa á þetta lið. Við verðum bara að leysa þetta og ég tel að við getum það,“ sagði Ben Roethlisberger.
Mackensie Alexander with the interception! #SeizeTheDEY
— NFL (@NFL) December 22, 2020
: #PITvsCIN on ESPN
: NFL app // Yahoo Sports app: https://t.co/pZlOokjorx pic.twitter.com/OnWoAj114l
Pittsburgh Steelers er fyrir löngu búið að tryggja sér sæti í úrslitakeppninni en þessi taphrina hefur aftur á móti gefið Cleveland Browns tækifæri til að vinna Norðurriðil Ameríkudeildarinnar því Browns er nú aðeins einum sigri á eftir Steelers.
Pittsburgh Steelers á heldur ekki auðvelda andstæðinga í lokaumferðunum eða umrætt Cleveland Browns lið á útivelli og svo Indianapolis Colts sem hefur líka unnið tíu af fjórtán leikjum sínum á leiktíðinni.
The Steelers are the 17th team in NFL history to start a season 11-0 or better.
— ESPN Stats & Info (@ESPNStatsInfo) December 22, 2020
They are just the 3rd team among that group to lose 3 straight games immediately following an 11-0 or better start, alongside the 1969 Rams and 2009 Saints.
The 2009 Saints won the Super Bowl. pic.twitter.com/G2Eud1bkT6

NFL er á Stöð 2 Sport en upplýsingar um útsendingar má finna hér. NFL er hluti af Stöð 2 Sport erlent sem kostar 3.990 krónur á mánuði. Beinar útsendingar frá öllum leikjum eru á NFL Game Pass sem hægt er að kaupa sem viðbót við Sportpakkann á 2.000 krónur á mánuði.