Pacqu­iao viss um að geta barist tvisvar á næsta ári

Pacquiao, sem er frá Filippseyjum, hefur ekki barist síðan hann barðist gegn Keith Thurman í Las Vegas í júlí á síðasta ári.

Bardagakappinn er ekki bara að berjast því hann er einnig öldungadeildarþingmaður á Filippseyjum. Hann segist verða klár frá apríl á næsta ári.

„Við munum æfa í mars og það eru engar líkur á því að ég muni berjast fyrir þann tíma. Ég held að ég geti barist tvisvar á næsta ári,“ sagði hann í samtali við Daily Tribune.

Pacquiao er enn eitt stærsta nafnið í boxheiminum og hann verður ekki í vandræðum með að finna sér mótherja en rætt hefur verið um að hann gæti mögulega barist við UFC stórstjörnuna Conor McGregor.