Gerðu upp stóra Messi málið: „Vissi ekki að ég ætti að tala við hann eins og aumingja“

Hannes Þór Halldórsson og Edda Sif Pálsdóttir mættust í Kviss síðastliðin laugardagskvöld.

Hannes fyrir hönd Vals og Edda í liði ÍBV. Hannes Þór Halldórsson er án efa þekktastur fyrir það að standa í marki íslenska landsliðsins í knattspyrnu og kom hápunkturinn hans á ferlinum á HM í Rússlandi árið 2018.

Þá varði Hannes vítaspyrnu frá Lionel Messi sem er líklega besti knattspyrnumaður sögunnar.

Edda Sif ræddi einmitt við Hannes eftir leikinn á RÚV og var hún á því að vítaspyrna Messi hafi kannski ekki verið upp á marga fiska. Umrædd spurning vakti hörð viðbrögð hér á landi og vildi sumir meina að Edda hafi með spurningunni gert lítið úr Hannesi.

Hún svaraði þessu svona í Kviss á laugardaginn. „Mér fannst ég vera sýna honum virðingu og talaði bara við hann eins og ég myndi tala við Buffon. Hann var mættur á HM í fótbolta og ég vissi ekki að ég ætti að tala við hann eins og aumingja.“

Hér að neðan má sjá atriðið úr Kviss.