„Þú sérð ekki karakter manna á Youtube“

Í Körfuboltakvöldi Kjartans Atla Kjartanssonar í gær voru Teitur Örlygsson og Sævar Sævarsson gestir og fóru þeir félagar yfir ýmis mál tengd körfuboltanum.

Teitur er einn farsælasti körfuboltamaður Íslands frá upphafi og gerði gott mót sem þjálfari eftir að leikmannaferlinum lauk þar sem hann þjálfaði Stjörnuna og Njarðvík.

Útlendingamál skipta miklu máli í íslenskum körfubolta og þau voru til umræðu í gær þar sem Teitur viðraði sína skoðun. 

„Það sem þú sérð ekki á Youtube er karakter leikmannanna,“ var meðal þess sem Teitur sagði en umræðuna í heild má sjá í spilaranum hér fyrir neðan.