Tónlistarmaðurinn Bomarz, Bjarki Ómarsson, gefur í dag út nýtt lag, Can't Fake It, í samstarfi við American Idol stjörnuna Chris Medina. Vísir frumsýnir myndband við lagið.
Vísir greindi frá því í ágúst þegar Bjarki gerði þriggja ára dreifingarsamning við Sony Music í Danmörku.
Lagið Can't Fake it er fyrsta samstarfsverkefni Bjarka og Chris og segir Bjarki samvinnuna hafa gengið eins og í sögu.
Að vinna með Chris Medina var algjör draumur fyrir mig því ég hef lengi verið mikill aðdáandi en við sömdum saman lagið og textann. Chris sá svo sönginn og ég allan hljóðfæraleik.
Myndbandið var tekið upp á ströndinni í Þorlákshöfn og er leikstýrt af þeim Fannari Birgissyni og Óttari Inga Þorbergssyni. Dansarinn heitir Jökull Smári Jakobsson.
