Loka leik­skólanum Baugi í Kópa­vogi vegna smits

Leikskólanum Baugi í Kópavogi hefur verið lokað tímabundið og allir starfsmenn og börn send í sóttkví eftir að eitt kórónuveirusmit greindist þar. Foreldrar fengu upplýsingar um smitið og lokunina seint í gærkvöldi.

Margrét Björk Jóhannesdóttir, leikskólastjóri Baugs, staðfestir við Vísi að skólanum hafi verið lokað en vill ekki segja hvort að starfsmaður eða barn hafi smitast. Sóttkvíin standi yfir fram yfir föstudag þegar allir fara í skimun fyrir veirunni.

Á Baugi eru 139 börn í vistun og fimmtíu starfsmenn.

Fréttin verður uppfærð.