Aron Einar Gunnarsson, fyrirliði íslenska fótboltalandsliðsins og leikmaður Al Arabi, byrjaði daginn á að fara út að hlaupa með emírnum, valdamesta manninum í Katar.
„No big deal, byrjadi daginn úti ad hlaupa med kónginum i Qatar,“ skrifaði Aron Einar á Twitter í morgun.
No big deal, byrjadi daginn úti ad hlaupa med kónginum i Qatar..
— Aron Einar (@ronnimall) February 11, 2020
Tamim bin Hamad Al Thani er emír í Katar og hefur verið síðan 25. júní 2013. Hann er sonur Hamad bin Khalifa Al Thani sem var emír á árunum 1995-2013.
Aron Einar og emírinn fóru ekki einir út að hlaupa heldur var hópur af krökkum með þeim eins og sjá má hér fyrir neðan.
Long live the KING pic.twitter.com/MoDbLSnO6n
— Ali (@ABJ506) February 11, 2020
Aron Einar og félagar í Al Arabi eru í 5. sæti katörsku úrvalsdeildarinnar með 19 stig eftir 14 umferðir. Heimir Hallgrímsson er þjálfari Al Arabi.
