Grindvíkingurinn Seth LeDay dæmdur í eins leiks bann

Bandaríkjamaðurinn SethLeDay verður ekki með Grindavík í bikarúrslitaleiknum komist liðið þangað. Hann var dæmdur í eins leiks bann af Aga- og úrskurðarnefnd KKÍ í dag.

Grindavík spilar við Fjölni í dag í undanúrslitum Geysisbikarsins og sigurvegarinn mætir annað hvort Stjörnunni en Tindastól í úrslitaleiknum á laugardaginn.

SethLeDay fékk eins leiks bann fyrir að slá Stjörnumanninn KyleJohnson í hnakkann á meðan boltinn var fjarri. Atvikið varð í deildarleik liðanna á dögunum. Dómararnir tóku ekki eftir þessu en Stjörnumenn sendu inn kjæru eftir að hafa horft á leikinn á myndbandi þar sem brotið sást vel.

Aga- og úrskurðarnefnd KKÍ tók málið fyrir í dag og dæmdi leikmanninn í bann.

Grindvíkingar reyndu að fá meiri tíma til að skila sínum gögnum til að seinka dómnum og bjarga mögulegum bikarúrslitaleik fyrir SethLeDay en beiðni þeirra var hafnað.

Aga- og úrskurðarnefnd KKÍ ráðfærði sig við dómara leiksins og taldi engan vafa á því að leikmaðurinn hefði verið rekinn út úr húsi hefðu dómararnir tekið eftir brotinu.

„Af  myndbandsupptökunni sem  fylgdi  ábendingu má  sjá  að  hinn  kærði,  án sérstaksaðdraganda og víðs fjarri þeim stað sem boltinn er, slær leikmann Stjörnunnar þéttingsfast í höfuðið með flötum lófa. Dómarar leiksins sáu viðkomandi atvik ekki með þeim hætti sem af myndbandsupptökunni leiðir og gátu þ.a.l. ekki myndað sér skoðun á því þá. Í áliti þeirra kemur fram að  atvik  þetta  hefði  átt að  leiða  til  brottrekstarvillu og  er  það  rökstutt  með ítarlegum hætti. Aga-og úrskurðarnefnd tekur undir þetta álit dómaranna. Hefur því verið sýnt  fram  á  með  óyggjandi  hætti  að  brot  hafi  verið  framið  sem  hefði  átt  að  leiða  til brottrekstrarvillu og hinum kærða hefði þar meðátt að vera vísað af leikvelli, sbr. ákvæði 7. mgr. 6. gr,“ segir í niðurstöðu dómsins.

„Nefndin   telur að   háttsemi   hins   kærða  falli   undir   verknaðarlýsingu   c)   liðar   13.   gr. reglugerðarinnar en þar  segir  að  hafi  einstaklingi  verið  vísað  af  leikvelli  eða  keppnisstað fyrir alvarlega grófan leik eða ósæmilega framkomu skuli aga-og úrskurðarnefnd úrskurða viðkomandi í eins eða tveggja leikja bann,“ segir enn fremur í úrskurðinum sem má lesa allan hér.