Erling Braut Håland heldur áfram að raða inn mörkum en hann skoraði bæði mörkin er Dortmund vann 2-1 sigur á PSG í fyrri leik liðanna í 16-liða úrslitum Meistaradeildarinnar.
Mörkin úr leiknum má sjá með því að smella hér.
Fyrri hálfleikurinn var ekki upp á marga fiska en PSG átti ekki skot á mark Þjóðverjanna í fyrri hálfleiknum. Staðan markalaus í hálfleik.
Fyrsta markið kom á 69. mínútu er Håland fylgdi á eftir skoti og kom Dortmund í 1-0. Sú forysta stóð einungis yfir í átta mínútur en þá hafði Neymar jafnað eftir frábæran undirbúning Kylian Mbappe.
Einungis tveimur mínútum síðar var Håland aftur á ferðinni. Hann fékk boltann rétt fyrir utan teig PSG og þrumaði boltanum upp í hornið. Magnað mark.
10 – Erling Haaland has scored 10 Champions League goals in just seven appearances, reaching the tally four games quicker than any other player in the competition’s history. Ridiculous. pic.twitter.com/OPXGPjl7MG
— OptaJoe (@OptaJoe) February 18, 2020
Neymar var nærri því búinn að jafna metin aftur sjö mínútum fyrir leikslok er skot hans fór í stöngina.
Fleiri urðu mörkin ekki og Dortmund leiðir 2-1 eftir fyrri leikinn í Þýskalandi en liðin mætast í Frakklandi þann 11. mars.
