Sjáðu mörkin er HK lyfti sér frá fallsvæðinu

HK vann 3-1 sigur á Fjölni í Pepsi Max deild karla í knattspyrnu í dag. Leikurinn var sannkallaður sex stiga leikur en Fjölnir var á botni deildarinnar fyrir leik. Þá voru HK-ingar aðeins tveimur stigum fyrir ofan Gróttu sem er einnig í fallsæti.

Það fór svo að HK vann 3-1 sigur og skilur Fjölni eftir í mjög slæmum málum.

Danski varnarmaðurinn Martin Rauschenberg skoraði í sínum fyrsta leik fyrir HK. Þá gerði Birnir Snær Ingason tvö mörk gegn sínum gömlu félögum í Fjölni. Mark Fjölnis skoraði Viktor Andri Hafþórsson.

Mörkin má sjá í spilaranum hér að neðan.