Guðbjörg, Anna og Þorbjörg heiðraðar af FKA

Húsfylli var í Gamla bíói í gær þegar FKA hélt árlega viðurkenningarhátíð sína. Hægt var að fylgjast með hátíðinni í beinni útsendingu hér á Vísi.

Veittar voru viðurkenningar til þriggja kvenna sem hafa verið konum í atvinnulífinu hvatning og fyrirmynd.

Guðbjörg Heiða Guðmundsdóttir, framkvæmdastjóri Marel á Íslandi, hlaut FKA viðurkenningu 2020 fyrir vel unnin störf í þágu atvinnureksturs kvenna eða þeim sem hafa verið konum í atvinnulífinu sérstök hvatning eða fyrirmynd.

Anna Stefánsdóttir, umdæmisstjóri Rótarý á Íslandi, hlaut Þakkarviðurkenningu FKA 2020 sem er veitt konu fyr­ir eft­ir­tekt­ar­vert ævi­starf stjórn­anda í atvinnu­líf­inu.

Þorbjörg Helga Vigfúsdóttir, framkvæmdastjóri Kara Connect, hlaut Hvatningarviðurkenningu FKA 2020 sem er veitt konu í atvinnulífinu fyrir athyglisvert frumkvæði.

Áslaug Arna Sigurbjörnsdóttir dómsmálaráðherra flutti erindi og fjölbreyttur hópur fólks úr íslensku atvinnulífi var saman komið á hátíðinni í gær. Hægt er að horfa á útsendingunna í tengdri frétt.

Sjá einnig: Bein útsending: FKA heiðrar þrjár konur úr atvinnulífinu

Í dómnefnd voru Þórdís Lóa Þórhallsdóttir, formaður borgarráðs og staðgengill borgarstjóra (formaður), Páll Matthíasson, forstjóri Landspítalans, Margét Tryggvadóttir, forstjóri NOVA, Kristinn Óli Haraldsson (Króli), tónlistarmaður og leikari, Katrín Olga Jóhannesdóttir, formaður Viðskiptaráðs Íslands, Hilmar Veigar Pétursson, framkvæmdastjóri CCP og Guðbjörg Matthíasdóttir, útgerðar- og athafnakona í Vestmannaeyjum.