Þórsliðið væri í 2. sæti ef Domino´s deildin hefði byrjað 27. nóvember

Þórsarar fögnuðu enn einum sigurinn í gærkvöldi þegar Akureyrarliðið vann Íslandsmeistara KR fyrir norðan. Þetta var fimmti sigur norðanliðsins í síðustu sjö deildarleikjum.

Þórsliðið tapaði átta fyrstu deildarleikjum tímabilsins en í þeim áttunda stóð liðið vel í Stjörnumönnum sem gaf fyrirheit um bjartari og betri tíma. Þeir hafa heldur betur runnið upp.

Þórsliðið fagnaði sínum fyrsta sigri á Hlíðarenda 28. nóvember og hefur síðan bætt við fjórum sigrum til viðbótar. Fyrir vikið setur Þórsliðið ekki lengur í fallsæti og er í raun aðeins einum sigri frá sæti í úrslitakeppninni.

Svo gott hefur gengi Þórsliðsins verið síðustu vikur og mánuði að ef Domino´s deildin hefði byrjað 27. nóvember þá væru Þórsarar í öðru sæti ásamt Keflavík og Njarðvík.

Stjörnumenn hafa unnið ellefu leiki í röð en af þessum ellefu var leikurinn á móti Þór fyrir norðan einn sá erfiðasti. Stjörnuliðið vann á endanum með þremur stigum eftir að hafa unnið upp átján stiga forskot Þórsara.

Stjarnan gat leitað til Nikolas Tomsick sem tryggði liðinu sigur með þriggja stiga körfu rétt fyrir leikslok.

Breytingin á liði Þórs á síðustu mánuðum hefur verið ótrúleg og er þjálfarinn Lárus Jónsson búinn að gera magnaða hluti síðan að liðið tapaði með 61 stigi á móti Njarðvík 15. nóvember. Auðvitað hafa nýir erlendir leikmenn breytt miklu en stökkið sem liðið hefur tekið síðan þá er samt ótrúlegt.

Staðan í Domino´s deild karla frá 27. nóvember:

1. Stjarnan         100% (7 sigrar - 0 töp)

2. Þór Akureyri     71% (5 sigrar - 2 töp)

2. Keflavík         71% (5 sigrar - 2 töp)

2. Njarðvík         71% (5 sigrar - 2 töp)

5. KR             57% (4 sigrar - 3 töp)

5. Haukar         57% (4 sigrar - 3 töp)

7. Tindastóll         43% (3 sigrar - 4 töp)

7. ÍR             43% (3 sigrar - 4 töp)

9. Þór Þorlákshöfn      29% (2 sigrar - 5 töp)

9. Grindavík         29% (2 sigrar - 5 töp)

9. Valur         29% (2 sigrar - 5 töp)

12. Fjölnir         0% (0 sigrar - 7 töp)