Sport

Nadal úr leik á Opna ástralska

Óskar Ófeigur Jónsson skrifar
Dominic Thiem fagnar sigri.
Dominic Thiem fagnar sigri. Getty/Clive Brunskill

Spánverjinn Rafa Nadal er út leik á Opna ástralska risamótinu í tennis eftir tap á móti Austurríksmanninum Dominic Thiem.

Rafa Nadal er efstur á heimslistanum og úrslitin koma því mikið á óvart. Dominic Thiem var fimmti í stykrleikaröðun inn á mótið.

Dominic Thiem vann leik þeirra 6-7 (3-7), 6-7, (4-7), 6-4 og 6-7 (6-8) eða samanlagt með þremur settum gegn einu. Thiem komst í 2-0 og Nadal var að berjast fyrir lífi sínu eftir það. Leikur þeirra tók fjóra tíma og tíu mínútur.

Þetta er í fyrsta sinn sem Dominic Thiem kemst svona langt á Opna ástralska meistaramótinu en hann hefur komist í úrslitaleikinn á Opna franska risamótinu.



Dominic Thiem er þar með kominn í undanúrslit þar sem hann mætir Þjóðverjanum Alexander Zverev sem var sjöundi inn í mótið.

Í hinum undanúrslitaleiknum mætast síðan þeir Roger Federer og Novak Djokovic sem voru í öðru og þriðja sæti í styrkleikaröðun mótsins.

Tennis

Mest lesið


Fleiri fréttir

Sjá meira


×

Mest lesið