Ís­lands­meistararnir þétta raðirnar enn frekar

Eyjólfur Ásberg Halldórson er genginn í raðir KR en Karfan.is greindi fyrst frá þessu í gær.

Eyjólfur Ásberg er uppalinn hjá Íslandsmeisturunum en hann hefur ekkert leikið á þessari leiktíð vegna meiðsla.

Síðast spilaði hann með Skallagrím í Dominos-deildinni í fyrra þar sem hann var lykilmaður hjá liðinu.

Hann var með tólf stig að meðaltali í leik sem og sex stoðsendingar og sex fráköst.

Eyjólfur hefur verið í yngri landsliðum Íslands en Dominos-deild karla fer aftur af stað annað kvöld eftir hlé.

KR spilar við Grindavík á útivelli annað kvöld.