Innlit í þrettán milljarða villu Drake

Kanadíski tónlistamaðurinn Drake er einn sá vinsælasti í heiminum. Hann hefur þénað yfir 150 milljón dollara á sínum ferli eða því sem samsvarar tuttugu milljarða íslenskra króna.

Drake á hús víðsvegar um Bandaríkin en í heimaborg hans Toronto hefur hann reist risastórt hús sem kostaði rúmlega þrettán milljarða að reisa.

Það tók hann nokkur ár að hanna eignina með teymi sínu og kallar hann húsið The Embassy. Þar má finna fullbúinn körfuboltavöll, sundlaug, hljóðver, stóran bílskúr þar sem geyma má nokkuð marga lúxusbíla og margt fleira.

YouTube-síðan The Richest fjallar ítarlega um eignina og einnig fleiri eignir sem Drake á eins og sjá má hér að neðan.