Geir Þorsteinsson, framkvæmdastjóri knattspyrnudeildar ÍA, staðfesti rétt í þessu við blaðamann Vísis að viðræður væru í gangi milli ÍA og ítalska liðsins Venezia um Bjarka Stein Bjarkason, tvítugan kantmann ÍA.
Samkvæmt mjög góðum heimildum er Bjarki Steinn Bjarkason á leiðinni til Venezia í Seríu B.
— Hrafnkell Freyr Ágústsson (@hrafnkellfreyr) July 26, 2020
Hrafnkell Freyr, einn af spekingum hlaðvarpsþáttarins Dr. Football segist hafa mjög sterkar heimildir fyrir þessum félagsskiptum. Það hefur þá verið staðfest núna að viðræður séu í gangi.
Venezia er staðsett í Feneyjum og leikur í Serie-B, næstefstu deild á Ítalíu. Bjarki Steinn hefur spilað fimm leiki í Pepsi Max deildinni með ÍA í sumar og skorað eitt mark. Í fyrra spilaði hann 20 deildarleiki og skoraði þrisvar.
