Fengu að prófa æfingarnar sem Sara, Katrín Tanja og Björg­vin Karl verða látin puða við á heims­leikunum

Sean Sweeney, Jason Carroll og Alessandra Pichelli, CrossFit-keppendur sem ekki komust á heimsleikana í ár, sáust á dögunum prufa alls kyns æfingar.

Síðar kom í ljós að þetta voru æfingar sem verða notaðar á heimsleikunum í ár en Dave Castro, framvæmdastjóri CrossFit, hefur farið þessa leið undanfarin ár.

Alison Scudds og Connor Schmitz voru einnig fengin til þess að prufa æfingarnar sem Sara Sigmundsdóttir, Katrín Tanja Davíðsdóttir og Björgvin Karl Guðmundsson munu berjast við á leikunum.

Hann hefur fengið keppendur sem ekki komust í gegnum niðurskurðinn til þess að prufa erfiðleikastiga æfinganna sem valdar hafa verið og prófa og betrumbæta.

Minna en tveir mánuðir eru þangað til að keppnin á að fara fram í Kaliforníu en leikunum hefur verið seinkað í tvígang vegna kórónuveirufaraldursins sem hefur geysað um heiminn síðustu vikur og mánuði.