Eivør frumsýnir nýtt myndband og fer Tómas Lemarquis fer með aðalhlutverkið

Söngkonan Eivør Pálsdóttir frumsýnir í dag nýtt tónlistarmyndband við lagið Sleep on it.

Myndbandið er leikstýrt ef Einari Egilssyni og skrifaði hann einnig handritið ásamt Elias L. Hansen. Eivør samdi sjálf lag og texta.

Söngkonan gaf lagið út 26.júní síðastliðinn og var myndbandið var tekið upp á Íslandi. Tómas Lemarquis fer með aðalhlutverkið en hann hefur leikið í stórmyndum eins og Blade Runner 2049 og X-Men: Apocalypse.

Sögusvið myndbandsins er eilífðarpartí þar sem heimurinn hefur stefnt í heimsendi í mörg ár. Gestir partísins er fastir í atburðarás sem endurtekur sig þangað til þau fórna Eivør til að losna úr ástandinu.

Lagið fjallar um það að þurfa að taka ákvarðanir, stundum þarf að taka rangar ákvarðanir til að taka þá réttu. Lagið er það fyrsta sem Eivør samdi fyrir væntanlega plötu og varð til eina andvöku nótt í Kaupmannahöfn fyrir þremur árum.

Eivør, sendir frá sér nýja plötu 18. september, sem mun heita Segl, og fylgir eftir plötunni Slør sem kom út 2016.