Telur ólíklegt að Þjóðhátíð verði að veruleika í ár Hallgerður Kolbrún E. Jónsdóttir skrifar 10. júlí 2020 15:14 Verði Þjóðhátíð ekki haldin í ár er það í fyrsta skipti í 145 ára sögu hátíðarinnar sem hún fellur niður. Vísir/Sigurjón Ekki lítur út fyrir að Þjóðhátíð verði haldin í Vestmannaeyjum í ár vegna kórónuveirufaraldursins. Jónas Guðbjörn Jónsson, varaformaður Þjóðhátíðarnefndar, segir aðstæður ekki líta vel út og ólíklegt sé að hátíðin fari fram í ár, í aðeins þriðja skipti í 145 ára sögu Þjóðhátíðar í Eyjum. „Nei, það lítur ekki vel út miðað við það sem við erum að heyra að það verði bara 500 manna fjöldatakmark út ágúst. Þá er því eiginlega bara sjálfhætt,“ segir Jónas. Hann segir ólíklegt að hægt sé að halda 500 manna hólfum aðskildum á svæðinu eins og hefur verið gert á stórum íþróttamótum í sumar. „Við höfum alveg velt því fyrir okkur að hólfa þetta niður en það er ólíklegt og örugglega mjög flókið í framkvæmd,“ segir Jónas. Nokkur þúsund miðar höfðu selst á hátíðina í forsölu áður en allt ferlið var stöðvað snemma í marsmánuði. Hann segir að vinna sé hafin við að undirbúa endurgreiðslu miðanna. „Þetta er auðvitað mikið fjárhagslegt tap fyrir ÍBV og þetta er líka bara stór partur af menningu Vestmannaeyja, þjóðhátíð hefur náttúrulega 145 ára sögu. Fyrir samfélagið allt er þetta mikið tap, stórt tap,“ segir hann. Þá segir hann þetta mikið tap fyrir íbúa í eyjum. „Þetta er mikið tap fyrir Vestmanneyinga, stórt tap fyrir alla í Vestmannaeyjum, Herjólf, alla þjónustu og gistingar og veitingastaði og allt. Það eru allir að tapa. Ólíklegt sé að hátíðin verði haldin í smærra sniði fyrir Vestmanneyinga sjálfa. Staðan verði tekin í næstu viku hvort það sé hægt. „Við munum bara taka stöðuna á því í næstu viku hvort það sé eitthvað geranlegt í því. Við viljum auðvitað ekki fara út í einhvern mikinn kostnað, íþróttafélagið, fyrir eitthvað lítið. Ekki setja okkur í enn verri mál.“ Komi til greina að halda hátíðina í haust „Við vorum alltaf að halda í vonina um að ná að halda eitthvað en mér finnst eins og ég segi eins og sé útséð með það að það verði. En það fer þá kannski bara einhver vinna í gang með það að búa til einhverjar aðrar fjáraflanir,“ segir Jónas. „Mér finnst það borin von eins og ég segi.“ Þó segir hann það koma til greina að halda hátíðina síðar ef fjöldatakmarkanir verði rýmkaðar. „Það hefur verið rætt að ef að fjöldatakmarkanir verða rýmkaðar 1. september. Við höfum alveg rætt að halda þetta 4. September, það var ein af hugmyndunum en ekkert ákveðið í því,“ segir Jónas. Hann segir það þó verða erfitt í framkvæmd ef af því verði. Skólar verði byrjaðir og ólíklegt sé að fólk geti tjaldað eins og hefð er fyrir. Það eru allt aðrar forsendur í því, það yrði aldrei full stærð á þjóðhátíð, ég sé það ekki fyrir mér í september. Það yrði kannski einhver minni þannig að það er ekkert ákveðið í því. „Við vitum í rauninni ekkert, [Þórólfur] segir núna að hann ætli að halda 500 manna hámarki út ágúst og svo getur eitthvað breyst, bætt við mánuði í viðbót eða hvað sem er. Það er svo erfitt að ákveða eitthvað í þessu. Hann segir skoðun íbúa í Vestmannaeyjum á málinu beggja blands. „Fólk vill ekki vera gera eitthvað, og líka það, við myndum aldrei vera að gera eitthvað nema í samráði við yfirvöld. Við myndum alltaf fara eftir því hvað má gera. Það eru alveg raddir sem finnst leiðinlegt að við séum að missa þetta og aðrir sem finnst skynsamlegast að sleppa þessu á þessum tíma. Ráðstafanir gerðar til að Innipúkinn geti farið fram Enn stendur til að halda hátíðina Innipúkann í Reykjavík sem farið hefur fram undanfarin ár yfir Verslunarmannahelgina. Að sögn Steinþórs Helga Arnsteinsson, einn af skipuleggjendum hátíðarinnar, hefur verið gripið til ýmissa ráðstafana til að tryggja 500 manna hámark. „Við höldum okkur innan takmarkana, við verðum þarna inni á Gamla Bíó og hann er bara með leyfi fyrir 550 þannig að við minnkum það aðeins. Svo verður einhver smá dagskrá á Röntgen og Röntgen er bara með leyfi fyrir 130 manns þannig að við munum bara passa upp á það,“ segir Steinþór. „Við þurfum að gera einhverjar ráðstafanir varðandi útisvæðið fyrir utan. Þá munum við bara passa að það verði ekki fleiri en 500 manns hverju sinni þar en við erum að vonast til að, af því að Þórólfur nefndi að það ætti að rýmka opnunartímann, það væri alveg frábært að geta verið með tónleika til eitt en ef ekki verðum við bara með tónleikadagskrá til ellefu.“ Hann segir miðasöluna hafa gengið vel en hún byrjaði fyrir ekki svo löngu síðan. Hún fari vel af stað en það verði færri miðar í dreifingu nú í ár en hefur verið. Það verður uppselt eins og vanalega og við hvetjum fólk til að tryggja sér miða strax. „Það verður kannski einhver blanda af þriggja daga hátíðarpössum og kvöldpössum. Það verða kannski fleiri sem fara yfir alla helgina en fyrst og fremst erum við að hugsa til þess að það verði ekki fleiri en 500 manns inni á stöðunum hverju sinni né á útisvæðinu. Það eru okkar helstu áskoranir eru að passa upp á þetta.“ Vestmannaeyjar Þjóðhátíð í Eyjum Reykjavík Mest lesið Öryggisráðið ákveður að taka yfir Gasa-borg Erlent Hundarnir þegar aflífaðir en ákvörðun um lógun ólögmæt Innlent Dvalarleyfi langtum dýrara í hinum Norðurlöndunum Innlent Telja að lífvörður myndi aðeins gera ferðamenn kærulausari Innlent Keppa við Kínverja og Rússa um að koma kjarnakljúfi til tunglsins Erlent Nauðsynlegt að fólk fái úrræði til að vernda sig frá djúpfölsunum Innlent Sektaður fyrir að aka á 321 kílómetra hraða Erlent Skjálfti fannst á höfuðborgarsvæðinu Innlent Rússar enn að fá „samstöðustyrki“ en Úkraínumenn ekki Erlent Skýrasta myndin af halastjörnunni, eða vopninu, hingað til Erlent Fleiri fréttir Endar örugglega sem 83 ára drottning í Gleðigöngunni Fangar í einangrun vegna sama máls noti ekki sama útisvæði Hundarnir þegar aflífaðir en ákvörðun um lógun ólögmæt Samskipti fanga í einangrun, tapsárir Danir og drottning Gleðigöngunnar Allir fundir við ESB „fyrst og fremst“ hagsmunagæsla Telja að lífvörður myndi aðeins gera ferðamenn kærulausari Esjan snjólaus og það óvenju snemma Íslendingurinn í Grikklandi laus úr haldi Dvalarleyfi langtum dýrara í hinum Norðurlöndunum Lögreglurannsókn á banaslysi í Brúará „svo til“ lokið Nauðsynlegt að fólk fái úrræði til að vernda sig frá djúpfölsunum Enginn handtekinn eftir hópslagsmálin Skjálfti fannst á höfuðborgarsvæðinu Finna áhugann dvína á meðan vinir berjast og deyja á vígvellinum „Það fer enginn lífvörður út í“ Reyndi að kaupa glás af nammi og kom upp um tíu ára bankaræningja Gufunesmálið: „Þetta átti aldrei að fara svona“ Lygilegar tilraunir til að hafa áhrif á sakborning, Reynisfjara og tollar Trumps Olíuleit á teikniborðinu og býst við tíðindum í vetur Smokkamaðurinn enn ófundinn Sjúkrabíllinn bilaður og kemst ekki með sjúkling úr Þakgili Þrír á þaki jeppa á kafi í Jökulsá í Lóni Gefur sig fram fimmtíu árum eftir bankarán í Kópavogi Alvarlegt vinnuslys í Skagafirði Undirbúa steypuvinnu fyrir nýju Ölfusárbrúna Þungar áhyggjur af „síversnandi stöðu Íslands“ „Yfirgangur gyðingahataranna er algerlega óþolandi“ Af hættustigi á óvissustig vegna eldgoss Sálfræðingar rukka hátt í 26 þúsund krónur Tollar, höfundarréttur og þögn lögreglu í kynferðisbrotamálum Sjá meira
Ekki lítur út fyrir að Þjóðhátíð verði haldin í Vestmannaeyjum í ár vegna kórónuveirufaraldursins. Jónas Guðbjörn Jónsson, varaformaður Þjóðhátíðarnefndar, segir aðstæður ekki líta vel út og ólíklegt sé að hátíðin fari fram í ár, í aðeins þriðja skipti í 145 ára sögu Þjóðhátíðar í Eyjum. „Nei, það lítur ekki vel út miðað við það sem við erum að heyra að það verði bara 500 manna fjöldatakmark út ágúst. Þá er því eiginlega bara sjálfhætt,“ segir Jónas. Hann segir ólíklegt að hægt sé að halda 500 manna hólfum aðskildum á svæðinu eins og hefur verið gert á stórum íþróttamótum í sumar. „Við höfum alveg velt því fyrir okkur að hólfa þetta niður en það er ólíklegt og örugglega mjög flókið í framkvæmd,“ segir Jónas. Nokkur þúsund miðar höfðu selst á hátíðina í forsölu áður en allt ferlið var stöðvað snemma í marsmánuði. Hann segir að vinna sé hafin við að undirbúa endurgreiðslu miðanna. „Þetta er auðvitað mikið fjárhagslegt tap fyrir ÍBV og þetta er líka bara stór partur af menningu Vestmannaeyja, þjóðhátíð hefur náttúrulega 145 ára sögu. Fyrir samfélagið allt er þetta mikið tap, stórt tap,“ segir hann. Þá segir hann þetta mikið tap fyrir íbúa í eyjum. „Þetta er mikið tap fyrir Vestmanneyinga, stórt tap fyrir alla í Vestmannaeyjum, Herjólf, alla þjónustu og gistingar og veitingastaði og allt. Það eru allir að tapa. Ólíklegt sé að hátíðin verði haldin í smærra sniði fyrir Vestmanneyinga sjálfa. Staðan verði tekin í næstu viku hvort það sé hægt. „Við munum bara taka stöðuna á því í næstu viku hvort það sé eitthvað geranlegt í því. Við viljum auðvitað ekki fara út í einhvern mikinn kostnað, íþróttafélagið, fyrir eitthvað lítið. Ekki setja okkur í enn verri mál.“ Komi til greina að halda hátíðina í haust „Við vorum alltaf að halda í vonina um að ná að halda eitthvað en mér finnst eins og ég segi eins og sé útséð með það að það verði. En það fer þá kannski bara einhver vinna í gang með það að búa til einhverjar aðrar fjáraflanir,“ segir Jónas. „Mér finnst það borin von eins og ég segi.“ Þó segir hann það koma til greina að halda hátíðina síðar ef fjöldatakmarkanir verði rýmkaðar. „Það hefur verið rætt að ef að fjöldatakmarkanir verða rýmkaðar 1. september. Við höfum alveg rætt að halda þetta 4. September, það var ein af hugmyndunum en ekkert ákveðið í því,“ segir Jónas. Hann segir það þó verða erfitt í framkvæmd ef af því verði. Skólar verði byrjaðir og ólíklegt sé að fólk geti tjaldað eins og hefð er fyrir. Það eru allt aðrar forsendur í því, það yrði aldrei full stærð á þjóðhátíð, ég sé það ekki fyrir mér í september. Það yrði kannski einhver minni þannig að það er ekkert ákveðið í því. „Við vitum í rauninni ekkert, [Þórólfur] segir núna að hann ætli að halda 500 manna hámarki út ágúst og svo getur eitthvað breyst, bætt við mánuði í viðbót eða hvað sem er. Það er svo erfitt að ákveða eitthvað í þessu. Hann segir skoðun íbúa í Vestmannaeyjum á málinu beggja blands. „Fólk vill ekki vera gera eitthvað, og líka það, við myndum aldrei vera að gera eitthvað nema í samráði við yfirvöld. Við myndum alltaf fara eftir því hvað má gera. Það eru alveg raddir sem finnst leiðinlegt að við séum að missa þetta og aðrir sem finnst skynsamlegast að sleppa þessu á þessum tíma. Ráðstafanir gerðar til að Innipúkinn geti farið fram Enn stendur til að halda hátíðina Innipúkann í Reykjavík sem farið hefur fram undanfarin ár yfir Verslunarmannahelgina. Að sögn Steinþórs Helga Arnsteinsson, einn af skipuleggjendum hátíðarinnar, hefur verið gripið til ýmissa ráðstafana til að tryggja 500 manna hámark. „Við höldum okkur innan takmarkana, við verðum þarna inni á Gamla Bíó og hann er bara með leyfi fyrir 550 þannig að við minnkum það aðeins. Svo verður einhver smá dagskrá á Röntgen og Röntgen er bara með leyfi fyrir 130 manns þannig að við munum bara passa upp á það,“ segir Steinþór. „Við þurfum að gera einhverjar ráðstafanir varðandi útisvæðið fyrir utan. Þá munum við bara passa að það verði ekki fleiri en 500 manns hverju sinni þar en við erum að vonast til að, af því að Þórólfur nefndi að það ætti að rýmka opnunartímann, það væri alveg frábært að geta verið með tónleika til eitt en ef ekki verðum við bara með tónleikadagskrá til ellefu.“ Hann segir miðasöluna hafa gengið vel en hún byrjaði fyrir ekki svo löngu síðan. Hún fari vel af stað en það verði færri miðar í dreifingu nú í ár en hefur verið. Það verður uppselt eins og vanalega og við hvetjum fólk til að tryggja sér miða strax. „Það verður kannski einhver blanda af þriggja daga hátíðarpössum og kvöldpössum. Það verða kannski fleiri sem fara yfir alla helgina en fyrst og fremst erum við að hugsa til þess að það verði ekki fleiri en 500 manns inni á stöðunum hverju sinni né á útisvæðinu. Það eru okkar helstu áskoranir eru að passa upp á þetta.“
Vestmannaeyjar Þjóðhátíð í Eyjum Reykjavík Mest lesið Öryggisráðið ákveður að taka yfir Gasa-borg Erlent Hundarnir þegar aflífaðir en ákvörðun um lógun ólögmæt Innlent Dvalarleyfi langtum dýrara í hinum Norðurlöndunum Innlent Telja að lífvörður myndi aðeins gera ferðamenn kærulausari Innlent Keppa við Kínverja og Rússa um að koma kjarnakljúfi til tunglsins Erlent Nauðsynlegt að fólk fái úrræði til að vernda sig frá djúpfölsunum Innlent Sektaður fyrir að aka á 321 kílómetra hraða Erlent Skjálfti fannst á höfuðborgarsvæðinu Innlent Rússar enn að fá „samstöðustyrki“ en Úkraínumenn ekki Erlent Skýrasta myndin af halastjörnunni, eða vopninu, hingað til Erlent Fleiri fréttir Endar örugglega sem 83 ára drottning í Gleðigöngunni Fangar í einangrun vegna sama máls noti ekki sama útisvæði Hundarnir þegar aflífaðir en ákvörðun um lógun ólögmæt Samskipti fanga í einangrun, tapsárir Danir og drottning Gleðigöngunnar Allir fundir við ESB „fyrst og fremst“ hagsmunagæsla Telja að lífvörður myndi aðeins gera ferðamenn kærulausari Esjan snjólaus og það óvenju snemma Íslendingurinn í Grikklandi laus úr haldi Dvalarleyfi langtum dýrara í hinum Norðurlöndunum Lögreglurannsókn á banaslysi í Brúará „svo til“ lokið Nauðsynlegt að fólk fái úrræði til að vernda sig frá djúpfölsunum Enginn handtekinn eftir hópslagsmálin Skjálfti fannst á höfuðborgarsvæðinu Finna áhugann dvína á meðan vinir berjast og deyja á vígvellinum „Það fer enginn lífvörður út í“ Reyndi að kaupa glás af nammi og kom upp um tíu ára bankaræningja Gufunesmálið: „Þetta átti aldrei að fara svona“ Lygilegar tilraunir til að hafa áhrif á sakborning, Reynisfjara og tollar Trumps Olíuleit á teikniborðinu og býst við tíðindum í vetur Smokkamaðurinn enn ófundinn Sjúkrabíllinn bilaður og kemst ekki með sjúkling úr Þakgili Þrír á þaki jeppa á kafi í Jökulsá í Lóni Gefur sig fram fimmtíu árum eftir bankarán í Kópavogi Alvarlegt vinnuslys í Skagafirði Undirbúa steypuvinnu fyrir nýju Ölfusárbrúna Þungar áhyggjur af „síversnandi stöðu Íslands“ „Yfirgangur gyðingahataranna er algerlega óþolandi“ Af hættustigi á óvissustig vegna eldgoss Sálfræðingar rukka hátt í 26 þúsund krónur Tollar, höfundarréttur og þögn lögreglu í kynferðisbrotamálum Sjá meira