Árekstur bifhjóls og fólksbíls varð í grennd við Garðatorg í Garðabæ nú skömmu fyrir hádegi. Einhverjar skemmdir urðu á báðum ökutækjum og var pilturinn sem ók bifhjólinu fluttur af vettvangi í sjúkrabíl, að sögn ljósmyndara Vísis á slysstað.
Hann virtist þó ekki mikið slasaður og gekk sjálfur frá hjólinu og upp í sjúkrabílinn. Þannig virðist um minniháttar slys að ræða. Engar upplýsingar fengust um óhappið hjá slökkviliðinu á höfuðborgarsvæðinu.
