Sara mun sakna þess að fá ekki koss frá hundinum sínum í næsta móti

Íslenska CrossFit konan Sara Sigmundsdóttir varð í öðru sæti á hinu gríðarlega sterka Rogue Invitational móti sem fór fram um helgina. Hún var mjög ánægð með að fá þetta mót á þessum skrýtnum tímum þótt að mótið hafi líka verið allt öðruvísi upplifun en hún er vön.

Sara keppti á heimavelli eins og allir keppendur því mótið var netmót þar sem allir keppendur kepptu á sama tíma og voru æfingar þeirra sendar út í beinni útsendingu í gegnum netið.

Sara fékk því að gera sínar æfingar í mótinu í Simmagym í Keflavík. Sara gerði upp mótið í snörpum pistil á Instagram reikningnum sínum.

Nýjasti meðlimurinn í fjölskyldu Söru fékk sérstakt hrós en Sara er nýbúin að eignast hvolpinn Mola.

View this post on Instagram

I m so grateful that @roguefitness did not cancel @rogueinvitational and just made it an online competition instead. It really helped to have something to aim for during these strange times.? ? This was very different to what we are used to as the workouts were done simultaneously from our own gyms in a live broadcast. It was definitely strange to do it this way but the competition was really, really fun. I ll admit that it was very weird at first to be competing in total silence but I got used to only hearing these beautiful noises of my breathing fairly quickly. I loved the programming of the events and the fact that I was up against almost all the best girls made it feel very real and competitive. The fight got real ???? ? ? One thing that was very different than being in a regular competition was getting a kiss from my ?? after each event ?? I will definitely miss that.? ? Thanks to all of you who assisted me in making things happen in Simmagym over the weekend - you know who you are. Thanks to the team at Rogue that made this event happen and thanks to everyone for the kind messages I have been receiving. Sincerely appreciate it??

A post shared by Sara Sigmundsdo´ttir (@sarasigmunds) on Jun 15, 2020 at 5:45am PDT

„Ég er svo þakklát fyrir það að Roogue Fitness frestaði ekki Rogue Invitational mótinu og breytti því í netmót í staðinn. Það hjálpaði mikið að hafa að einhverju að stefna að á þessum skrýtnu tímum,“ byrjaði Sara Sigmundsdóttir pistil sinn þar sem hún fór yfir mótið um helgina.

„Þetta var mjög ólíkt því sem við erum vön þar sem við gerðum æfingarnar á sama tíma en úr okkar eigin æfingasal og í beinni í gegnum netið. Það var vissulega skrítið að gera þetta svona en keppnin var virkilega virkilega skemmtileg,“ skrifaði Sara.

„Ég viðurkenni að það mjög furðulegt í fyrstu að keppa í algjörri þögn en ég vandist því fljótt að heyra fallegu hljóðin frá andardrættinum mínum. Ég var mjög ánægð með æfingarnar sem og það að ég fékk að keppa við næstum því allar þær bestu í heimi. Það gerði þetta að alvöru móti og að mikilli keppni. Þetta var alvöru bardagi,“ skrifaði Sara.

„Eitt sem var virkilega öðruvísi frá því að keppa á venjulegu móti var að ég fékk koss frá hundinum mínum eftir hverja grein. Ég mun örugglega sakna þess,“ skrifaði Sara.

„Ég vil þakka öllum þeim sem aðstoðuðu mig við að setja allt upp í Simmagym um helgina. Þið vitið hver þið eruð. Ég vil líka þakka fólkinu hjá Rogue að koma þessu á laggirnar og einnig öllum fyrir allar kveðjurnar sem ég hef fengið. Ég kann svo sannarlega að meta það,“ skrifaði Sara.

Mest lesið

Fleiri fréttir

Mest lesið