Afbókaði fimm stóra hópa eftir fréttir af „gölnu“ skimunargjaldi Kristín Ólafsdóttir skrifar 5. júní 2020 17:43 Jóhannes Þór Skúlason, framkvæmdastjóri Samtaka ferðaþjónustunnar. Vísir/vilhelm Framkvæmdastjóri Samtaka ferðaþjónustunnar segir 15 þúsund króna gjald fyrir sýnatöku á landamærum „galið“. Verðið sé alltof hátt og hafi þegar valdið því að ferðamenn afbóki í hrönnum fyrirhugaðar ferðir til Íslands. Tilkynnt var í dag að farþegar sem koma til landsins og kjósa að fara í sýnatöku vegna Covid-19 fremur en að sitja 14 daga í sóttkví munu frá 1. júlí næstkomandi greiða 15 þúsund króna gjald vegna sýnatökunnar. Sýnataka á landamærunum hefst 15. júní og verður gjaldfrjáls fyrstu tvær vikurnar. Málið var til umræðu á fundi ríkisstjórnarinnar í morgun, en börn fædd árið 2005 eða síðar munu ekki þurfa að fara í sýnatöku. Jóhannes Þór Skúlason framkvæmdastjóri Samtaka ferðaþjónustunnar telur 15 þúsund króna gjald fyrir skimun vera of hátt. „Mér finnst þetta verð sem sett er upp algjörlega galið. Þetta er alltof hátt. Það er algjörlega ljóst að þetta mun hafa, og hefur þegar haft, frá því að þetta var tilkynnt verulega neikvæð áhrif. Þetta er bara að valda tjóni strax,“ sagði Jóhannes Þór í þættinum Reykjavík síðdegis á Bylgjunni í dag. „Það eru strax komnar afbókanir vegna þess að verð sé of hátt, þetta bæti of miklu við hlutfallslega gagnvart til dæmis flugmiðum. Þetta er í raun ígildi skattlagningar á ferðamenn og í allri þeirri umræðu sem við höfum rætt síðustu ár um skattlagningu á ferðaþjónustu þá hefur engum dottið það í hug að setja 15 þúsund króna gjald inn í landið vegna þess að allir hafa gert sér grein fyrir því hversu neikvæð áhrif það myndi hafa.“ Fælingarmáttur gjaldtökunnar sé þegar að koma í ljós. „Sem dæmi þá ræddi ég við ferðaþjónustufyrirtæki fyrir nokkrum mínútum sem sagði mér frá því að eftir að þetta var tilkynnt núna áðan þá hringdi erlend ferðaskrifstofa í þetta íslenska fyrirtæki og afbókaði fimm stóra hópa í sumar beinlínis vegna þess að þetta kostar svona mikið,“ sagði Jóhannes Þór. „Ég get með engu móti skilið hvernig þessi rök sem eru sett fyrir þessari ákvörðun eiga að halda. Það skilur enginn sem hefur eitthvað vit á ferðaþjónustufyrirtæki.“ Væri hægt að vinna með fjögurþúsundkall Þá sagði Jóhannes Þór að ferðaþjónustan hafi ætíð sett sig upp á móti hugmyndum um svo hátt skimunargjald. Sú afstaða hafi komið fram í fjölmiðlum og samtölum við stjórnvöld. „Þarna er fjöldi fólks sem mun ekki hafa áhuga á því að nýta sér þegar bókaða ferð til Íslands af því að þetta er aukakostnaður ofan á það sem gert var ráð fyrir, eða þá mun ekki bóka nýja ferð því þetta er þá nærri því að tvöfalda flugmiðaverðið.“ Inntur eftir því hvernig hann teldi að best væri að skipta kostnaðinum sagði Jóhannes Þór að ýmsir þættir hefðu þar áhrif. „Þetta fer svolítið eftir því hvað menn horfa til að sé beinn kostnaður vegna þessarar skimunar. Miðað við þær skýrslur sem hafa komið fram þá sýnist mér að það sé nú aðeins misvísandi, hvað mönnum finnst vera akkúrat beinn kostnaður vegna þessa eða eitthvað sem hefði hvort eð er þurft að uppfæra hér í tækjabúnaði eða öðrum kosti,“ sagði Jóhannes Þór. „En hér hafa verið nefndar af öðrum sem betur þekkja til tölur upp á til dæmis þrjú til fjögur þúsund krónur. Það er tala sem væri hægt að vinna með í þessu samhengi.“ „Erfiðast, flóknast og dýrast“ að ferðast til Íslands Með 15 þúsund króna gjaldi við landamærin sé Ísland að skapa sér miður góða sérstöðu á heimsvísu. Jákvæð umfjöllun erlendra fjölmiðla um Ísland sem öruggan áfangastað hefði lítið að segja gagnvart þessum nýju vendingum. „Ég held ég get fullyrt að það er ekkert ríki í Evrópu sem ætlar að rukka alla ferðamenn sem koma ti landsins um hundrað evrur á landamærunum. Það er ekki til í dæminu. Við erum að horfa á það miklu frekar í Evrópu að það er verið að opna landamærin án skimunar og aukakostnaðar,“ sagði Jóhannes Þór. „Það stefnir í það að við verðum það land í Evrópu sem verður erfiðast, flóknast og dýrast að ferðast til.“ Viðtalið við Jóhannes Þór í Reykjavík síðdegis má hlusta á í spilaranum hér ofar í fréttinni. Faraldur kórónuveiru (COVID-19) Ferðamennska á Íslandi Tengdar fréttir Fleiri en þúsund nú í sóttkví en ekkert nýtt smit Áfram fjölgar fólki í sóttkví vegna kórónuveirunnar lítillega á milli daga. Fjöldinn er nú yfir þúsund manns og hafa rúmlega tvö hundruð bæst við á undanförnum þremur sólarhringum. Ekkert nýtt smit greinist þó, sjötta daginn í röð, samkvæmt upplýsingum landlæknis og almannavarna. 5. júní 2020 12:58 Skimun á landamærum gjaldfrjáls fyrstu tvær vikurnar og kostar svo 15 þúsund krónur Skimunin gjaldfrjáls fyrstu tvær vikurnar og kostar svo 15 þúsund krónur. 5. júní 2020 12:05 Telur íslensk yfirvöld velja varfærnari leið en aðrar þjóðir Jóhannes Þór Skúlason, framkvæmdastjóri Samtaka ferðaþjónustunnar, segir ferðaþjónustuaðila hafa vonast eftir því að samræmi yrði milli landa varðandi reglur um komu ferðamanna. 3. júní 2020 11:34 Mest lesið Bankastjóri Íslandsbanka: „Ég samdi við Brynju strax á fyrsta alvöru stefnumótinu...“ Atvinnulíf Kvartanir borist vegna aflýstra flugferða Neytendur Fyrsta íslenska grænkera ostagerðin í hættu Viðskipti innlent Olíuefni í Bugles sem eiga ekki að vera í snakkinu Neytendur Húsið selt á 78 milljónir og Jakub þarf að reiða fram milljón Viðskipti innlent „Þetta er ekki mjög töff en ég get ekki að þessu gert“ Atvinnulíf Gjaldþrotin námu 1,2 milljörðum króna Viðskipti innlent Ráðinn forstjóri Arctic Fish Viðskipti innlent „Þetta eru mjög mikil vonbrigði fyrir okkur“ Viðskipti innlent „Alltaf leiðindamál að lenda í svona“ Viðskipti erlent Fleiri fréttir „Þetta eru mjög mikil vonbrigði fyrir okkur“ Tekjur Haga jukust á fyrsta ársfjórðungi Bjarni Ingimar ráðinn rekstrarstjóri Avia Húsið selt á 78 milljónir og Jakub þarf að reiða fram milljón Gjaldþrotin námu 1,2 milljörðum króna Stýrivextir líklegast ekki lækkaðir aftur á þessu ári Baldvin tekinn við sem forstjóri Samherja Lánardrottnar slá af milljarð af vöxtum á ári Birta stendur frammi fyrir 1,5 milljarða tapi á Play Ósátt með samráðsleysi stjórnvalda Atvinnuleysi minnkar lítillega Samkaup segja upp tuttugu og tveimur Vonast til að hefja slátrun árið 2028 Öryggismyndavélar á grenndarstöðvum eigi að sporna við sóðaskap Vilja lækka fasteignaskatta um tvo milljarða: „Við eigum fyrir þessu“ Á von á fleiri fyrirtækjum í hópmálssókn gegn Booking.com Þrjú verkefni fengu styrk úr sjóði FrumkvöðlaAuðar Endurskoða áform um 1,5 milljarða skattahækkun Tekjur meiri af erlendum ferðamönnum og færri starfandi í ferðaþjónustu Flokka úrgang í fyrsta sinn á Norðurálsmótinu Hefur sjálfur séð eyðileggingu af völdum botnvörpuveiða Bjarg íbúðafélag reisir þrjátíu íbúðir í Reykjanesbæ Allir héldu stjörnunni og Óx fékk eina græna til Raquelita Rós ráðin tæknistjóri Um helmingur sérbýla kostar meira en 150 milljónir Sérstaða Íslendinga í máltækni nýtist í nýrri samnorrænni gervigreindarmiðstöð Ragnhildur, Svavar og Hreinn nýir stjórnendur hjá N1 Sigrún Ósk ráðin upplýsingafulltrúi Akraneskaupstaðar Selur ísbílinn eftir þrjátíu ár í bransanum Tilkynningum frá verslunareigendum um alvarleg atvik hafi fjölgað Sjá meira
Framkvæmdastjóri Samtaka ferðaþjónustunnar segir 15 þúsund króna gjald fyrir sýnatöku á landamærum „galið“. Verðið sé alltof hátt og hafi þegar valdið því að ferðamenn afbóki í hrönnum fyrirhugaðar ferðir til Íslands. Tilkynnt var í dag að farþegar sem koma til landsins og kjósa að fara í sýnatöku vegna Covid-19 fremur en að sitja 14 daga í sóttkví munu frá 1. júlí næstkomandi greiða 15 þúsund króna gjald vegna sýnatökunnar. Sýnataka á landamærunum hefst 15. júní og verður gjaldfrjáls fyrstu tvær vikurnar. Málið var til umræðu á fundi ríkisstjórnarinnar í morgun, en börn fædd árið 2005 eða síðar munu ekki þurfa að fara í sýnatöku. Jóhannes Þór Skúlason framkvæmdastjóri Samtaka ferðaþjónustunnar telur 15 þúsund króna gjald fyrir skimun vera of hátt. „Mér finnst þetta verð sem sett er upp algjörlega galið. Þetta er alltof hátt. Það er algjörlega ljóst að þetta mun hafa, og hefur þegar haft, frá því að þetta var tilkynnt verulega neikvæð áhrif. Þetta er bara að valda tjóni strax,“ sagði Jóhannes Þór í þættinum Reykjavík síðdegis á Bylgjunni í dag. „Það eru strax komnar afbókanir vegna þess að verð sé of hátt, þetta bæti of miklu við hlutfallslega gagnvart til dæmis flugmiðum. Þetta er í raun ígildi skattlagningar á ferðamenn og í allri þeirri umræðu sem við höfum rætt síðustu ár um skattlagningu á ferðaþjónustu þá hefur engum dottið það í hug að setja 15 þúsund króna gjald inn í landið vegna þess að allir hafa gert sér grein fyrir því hversu neikvæð áhrif það myndi hafa.“ Fælingarmáttur gjaldtökunnar sé þegar að koma í ljós. „Sem dæmi þá ræddi ég við ferðaþjónustufyrirtæki fyrir nokkrum mínútum sem sagði mér frá því að eftir að þetta var tilkynnt núna áðan þá hringdi erlend ferðaskrifstofa í þetta íslenska fyrirtæki og afbókaði fimm stóra hópa í sumar beinlínis vegna þess að þetta kostar svona mikið,“ sagði Jóhannes Þór. „Ég get með engu móti skilið hvernig þessi rök sem eru sett fyrir þessari ákvörðun eiga að halda. Það skilur enginn sem hefur eitthvað vit á ferðaþjónustufyrirtæki.“ Væri hægt að vinna með fjögurþúsundkall Þá sagði Jóhannes Þór að ferðaþjónustan hafi ætíð sett sig upp á móti hugmyndum um svo hátt skimunargjald. Sú afstaða hafi komið fram í fjölmiðlum og samtölum við stjórnvöld. „Þarna er fjöldi fólks sem mun ekki hafa áhuga á því að nýta sér þegar bókaða ferð til Íslands af því að þetta er aukakostnaður ofan á það sem gert var ráð fyrir, eða þá mun ekki bóka nýja ferð því þetta er þá nærri því að tvöfalda flugmiðaverðið.“ Inntur eftir því hvernig hann teldi að best væri að skipta kostnaðinum sagði Jóhannes Þór að ýmsir þættir hefðu þar áhrif. „Þetta fer svolítið eftir því hvað menn horfa til að sé beinn kostnaður vegna þessarar skimunar. Miðað við þær skýrslur sem hafa komið fram þá sýnist mér að það sé nú aðeins misvísandi, hvað mönnum finnst vera akkúrat beinn kostnaður vegna þessa eða eitthvað sem hefði hvort eð er þurft að uppfæra hér í tækjabúnaði eða öðrum kosti,“ sagði Jóhannes Þór. „En hér hafa verið nefndar af öðrum sem betur þekkja til tölur upp á til dæmis þrjú til fjögur þúsund krónur. Það er tala sem væri hægt að vinna með í þessu samhengi.“ „Erfiðast, flóknast og dýrast“ að ferðast til Íslands Með 15 þúsund króna gjaldi við landamærin sé Ísland að skapa sér miður góða sérstöðu á heimsvísu. Jákvæð umfjöllun erlendra fjölmiðla um Ísland sem öruggan áfangastað hefði lítið að segja gagnvart þessum nýju vendingum. „Ég held ég get fullyrt að það er ekkert ríki í Evrópu sem ætlar að rukka alla ferðamenn sem koma ti landsins um hundrað evrur á landamærunum. Það er ekki til í dæminu. Við erum að horfa á það miklu frekar í Evrópu að það er verið að opna landamærin án skimunar og aukakostnaðar,“ sagði Jóhannes Þór. „Það stefnir í það að við verðum það land í Evrópu sem verður erfiðast, flóknast og dýrast að ferðast til.“ Viðtalið við Jóhannes Þór í Reykjavík síðdegis má hlusta á í spilaranum hér ofar í fréttinni.
Faraldur kórónuveiru (COVID-19) Ferðamennska á Íslandi Tengdar fréttir Fleiri en þúsund nú í sóttkví en ekkert nýtt smit Áfram fjölgar fólki í sóttkví vegna kórónuveirunnar lítillega á milli daga. Fjöldinn er nú yfir þúsund manns og hafa rúmlega tvö hundruð bæst við á undanförnum þremur sólarhringum. Ekkert nýtt smit greinist þó, sjötta daginn í röð, samkvæmt upplýsingum landlæknis og almannavarna. 5. júní 2020 12:58 Skimun á landamærum gjaldfrjáls fyrstu tvær vikurnar og kostar svo 15 þúsund krónur Skimunin gjaldfrjáls fyrstu tvær vikurnar og kostar svo 15 þúsund krónur. 5. júní 2020 12:05 Telur íslensk yfirvöld velja varfærnari leið en aðrar þjóðir Jóhannes Þór Skúlason, framkvæmdastjóri Samtaka ferðaþjónustunnar, segir ferðaþjónustuaðila hafa vonast eftir því að samræmi yrði milli landa varðandi reglur um komu ferðamanna. 3. júní 2020 11:34 Mest lesið Bankastjóri Íslandsbanka: „Ég samdi við Brynju strax á fyrsta alvöru stefnumótinu...“ Atvinnulíf Kvartanir borist vegna aflýstra flugferða Neytendur Fyrsta íslenska grænkera ostagerðin í hættu Viðskipti innlent Olíuefni í Bugles sem eiga ekki að vera í snakkinu Neytendur Húsið selt á 78 milljónir og Jakub þarf að reiða fram milljón Viðskipti innlent „Þetta er ekki mjög töff en ég get ekki að þessu gert“ Atvinnulíf Gjaldþrotin námu 1,2 milljörðum króna Viðskipti innlent Ráðinn forstjóri Arctic Fish Viðskipti innlent „Þetta eru mjög mikil vonbrigði fyrir okkur“ Viðskipti innlent „Alltaf leiðindamál að lenda í svona“ Viðskipti erlent Fleiri fréttir „Þetta eru mjög mikil vonbrigði fyrir okkur“ Tekjur Haga jukust á fyrsta ársfjórðungi Bjarni Ingimar ráðinn rekstrarstjóri Avia Húsið selt á 78 milljónir og Jakub þarf að reiða fram milljón Gjaldþrotin námu 1,2 milljörðum króna Stýrivextir líklegast ekki lækkaðir aftur á þessu ári Baldvin tekinn við sem forstjóri Samherja Lánardrottnar slá af milljarð af vöxtum á ári Birta stendur frammi fyrir 1,5 milljarða tapi á Play Ósátt með samráðsleysi stjórnvalda Atvinnuleysi minnkar lítillega Samkaup segja upp tuttugu og tveimur Vonast til að hefja slátrun árið 2028 Öryggismyndavélar á grenndarstöðvum eigi að sporna við sóðaskap Vilja lækka fasteignaskatta um tvo milljarða: „Við eigum fyrir þessu“ Á von á fleiri fyrirtækjum í hópmálssókn gegn Booking.com Þrjú verkefni fengu styrk úr sjóði FrumkvöðlaAuðar Endurskoða áform um 1,5 milljarða skattahækkun Tekjur meiri af erlendum ferðamönnum og færri starfandi í ferðaþjónustu Flokka úrgang í fyrsta sinn á Norðurálsmótinu Hefur sjálfur séð eyðileggingu af völdum botnvörpuveiða Bjarg íbúðafélag reisir þrjátíu íbúðir í Reykjanesbæ Allir héldu stjörnunni og Óx fékk eina græna til Raquelita Rós ráðin tæknistjóri Um helmingur sérbýla kostar meira en 150 milljónir Sérstaða Íslendinga í máltækni nýtist í nýrri samnorrænni gervigreindarmiðstöð Ragnhildur, Svavar og Hreinn nýir stjórnendur hjá N1 Sigrún Ósk ráðin upplýsingafulltrúi Akraneskaupstaðar Selur ísbílinn eftir þrjátíu ár í bransanum Tilkynningum frá verslunareigendum um alvarleg atvik hafi fjölgað Sjá meira
Fleiri en þúsund nú í sóttkví en ekkert nýtt smit Áfram fjölgar fólki í sóttkví vegna kórónuveirunnar lítillega á milli daga. Fjöldinn er nú yfir þúsund manns og hafa rúmlega tvö hundruð bæst við á undanförnum þremur sólarhringum. Ekkert nýtt smit greinist þó, sjötta daginn í röð, samkvæmt upplýsingum landlæknis og almannavarna. 5. júní 2020 12:58
Skimun á landamærum gjaldfrjáls fyrstu tvær vikurnar og kostar svo 15 þúsund krónur Skimunin gjaldfrjáls fyrstu tvær vikurnar og kostar svo 15 þúsund krónur. 5. júní 2020 12:05
Telur íslensk yfirvöld velja varfærnari leið en aðrar þjóðir Jóhannes Þór Skúlason, framkvæmdastjóri Samtaka ferðaþjónustunnar, segir ferðaþjónustuaðila hafa vonast eftir því að samræmi yrði milli landa varðandi reglur um komu ferðamanna. 3. júní 2020 11:34
Bankastjóri Íslandsbanka: „Ég samdi við Brynju strax á fyrsta alvöru stefnumótinu...“ Atvinnulíf
Bankastjóri Íslandsbanka: „Ég samdi við Brynju strax á fyrsta alvöru stefnumótinu...“ Atvinnulíf