Um 150 skjálftar hafa mælst á Reykja­nesi síðasta sólar­hringinn

Frá því í gær hafa mælst um hundrað og fimmtíu jarðskjálftar á Reykjanesi og í heildina eru skjálftar nærri Þorbirni í Grindavík orðnir um þrjú hundruð og fimmtíu. Enn á þó eftir að vinna úr gögnum.

Vakthafandi náttúruvársérfræðingur hjá Veðurstofu Íslands segir í samtali við fréttastofu að skjálftahrinan nú gæti verið afleiðing kvikuinnskots en samkvæmt nýjum göngum eru vísbendingar um að landris sé hafið að nýju við Þorbjörn. Það gerist þó hægar en áður.

Óvissustig almannavarna vegna landrisins er enn í gildi á svæðinu.