Biskupsdóttir til Biskupsstofu Stefán Ó. Jónsson og Jakob Bjarnar skrifa 29. maí 2020 15:50 Margrét Hannesdóttir starfar með móður sinni, Agnesi M. Sigurðardóttur biskup, á Biskupsstofu. Agnes er þó sögð ekki hafa haft aðkomu að ráðningu Margrétar. Margrét Hannesdóttir, sem er dóttir Agnesar M. Sigurðardóttur biskups, var þrívegis fengin til að sinna verkefnum fyrir Biskupsstofu á síðastliðnu ári. Alltaf var um tímabunda ráðningu að ræða. Nú síðast var hún ráðin til starfa í desember í fyrra og átti sú ráðning að vera til eins mánaðar. Ráðningin var hins vegar framlengd fram til næstu mánaðamóta. Vísi barst ábending um að dóttir biskups hefði verið ráðin til starfa án auglýsingar. Og þótti viðkomandi það skjóta skökku við nú á tímum gríðarlegs atvinnuleysis og fjöldauppsagna. Vísir skaut því fyrirspurn til Péturs Georgs Markan kynningarfulltrúa Biskupsstofu sem segir biskup ekki hafa haft aðkomu að ráðningu Margrétar. Ákvörðunin hafi verið tekin af Guðmundi Þór Guðmundssyni, skrifstofustjóra Biskupsstofu, sem beri ábyrgð á verkefnunum sem Margréti voru úthlutuð. Verkefni Margrétar lúti ekki síst að söfnun, framsetningu og greiningu hag- og tölfræðiupplýsinga um starf kirkjunnar. Þar nýtist hagfræðimenntun hennar vel, sem og „mikil þekking á skipulagi, uppbyggingu og störfum kirkjunnar,“ að sögn Péturs. Þannig sé í hennar verkahring að afla upplýsinga er varða rekstur prestsembætta, samantekt skráa og gagnasafna á mörgum sviðum auk þess að koma að endurskoðun innkaupaferla og skyldra mála með skrifstofustjóra Biskupsstofu. Ráðningarsaga í þremur hlutum Margrét hafi fyrst verið fengin til Biskupsstofu þann 11. júní í fyrra og starfaði hún þar til 23. ágúst. Tæplega mánuði síðar, eða 17. september, var hún aftur fengin til að sinna verkefnum fyrir Biskupsstofu sem hún gerði til 30. nóvember. Ráðningarsambandið var svo endurnýjað daginn eftir til eins mánaðar og átti því að ljúka um síðustu áramót. Þá hafi hins vegar verið tekin ákvörðun um að framlengja ráðningu Margrétar um hálft ár og stendur til að hún láti af störfum um næstu mánaðamót. Útskýring Biskupsstofu á kaflaskiptri ráðningu Margrétar er á þessa leið: „Þegar viðbótarsamkomulag ríkis og kirkju var undirritað 6. september 2019, varð ljóst að þörf var á frekari vinnu á þessu sviði vegna umfangsmikilla skipulagsbreytinga sem ráðast þarf í vegna samningsins og lagabreytinga sem af honum leiddi, m.a. vegna breytts umhverfis – fjár- og starfsmannamála kirkjunnar. Nauðsynlegt var að afla frekari upplýsinga til að undirbúa breytingar sem hafa orðið og verða á starfsumhverfi kirkjunnar. Varð samkomulag um að Margrét yrði endurráðin tímabundið frá og með 19.9.2019 a.m.k fram að framhaldsfundi kirkjuþings 2019, sem koma átti saman 21. mars 2020. Biskup kom ekki nálægt þeirri ákvörðun heldur var hún einvörðungu á borði skrifstofustjóra og annarra stjórnenda. Þinghaldinu var frestað vegna Covid og verður haldið í september 2020 samkvæmt ákvörðun forseta og forsætisnefndar kirkjuþings.“ Ekki þörf á að auglýsa Aðspurður um hvort ekki hefði verið eðlilegt að auglýsa stöðu Margrétar, ekki síst í ljósi atvinnuástands þjóðarinnar, segir Pétur að mikilvægt sé að horfa til þess að Margrét hafi fyrst verið fengin til starfa í fyrrasumar - „þegar atvinnuástand var öllu ólíkt því sem nú er. Á þeim tíma var frekar erfitt að fá hæft fólk til tímabundina starfa. Starfið er tímabundið eins og áður hefur komið fram. Ekki er skylt að auglýsa tímabundin störf af þessu tagi.“ Atvinnuleysi var á bilinu 3,4 til 4 prósent á þeim tíma sem ráðningarsambandið við Margréti var endurnýjað. „Margrét hefur unnið mikla vinnu til undirbúnings breytingunum og einnig á fjármálasviði Biskupsstofu. Þar hafa miklar breytingar átt sér stað á vinnu og verkferlum og hefur vinnuframlag hennar verið mikilvægt til undirbúnings nýjum kerfum og sérstaklega óskað eftir því af fjármálastjóra Biskupsstofu að fá aðgang að þekkingu hennar og reynslu í því sambandi,“ segir Pétur hjá Biskupsstofu. Stjórnsýsla Trúmál Þjóðkirkjan Mest lesið Greindi þátt almennings og fjölmiðla í máli „strokufangans“ Innlent Vonar að Rauði krossinn endurskoði afstöðu sína Innlent Handtóku ökumann eftir eftirför á Sæbraut Innlent Sagður hafa tæmt sjóði flokksins og rekur nýja stjórn úr húsnæðinu Innlent Þúsundir syrgja í Tehran og Trump segir æðstaklerkinn ljúga Erlent Halla forseti blandar sér í götuljósaumræðuna Innlent „Ég vorkenni því fólki sem lét narra sig í þessa vegferð“ Innlent Svifvængjaflugslys við Reynisfjall Innlent Mikil reiði á Þingeyri vegna flutnings fóðurstöðvar Arctic Fish Innlent Segir ásakanir kjaftæði og íhugar meiðyrðamál Innlent Fleiri fréttir Mikil reiði á Þingeyri vegna flutnings fóðurstöðvar Arctic Fish Ráðherra vill tryggja betra eftirlit með Sjúkratryggingum Íslands Segir tölurnar sláandi og vill bregðast við „Ég vorkenni því fólki sem lét narra sig í þessa vegferð“ Sósíalistar deila um peninga og metþátttaka í ólöglegri baráttugöngu Kostnaður vegna kynja- og jafnréttismála sextán milljónir Svifvængjaflugslys við Reynisfjall Handtóku ökumann eftir eftirför á Sæbraut Vonar að Rauði krossinn endurskoði afstöðu sína Segir ásakanir kjaftæði og íhugar meiðyrðamál „Þurfum að huga að forvörnum“ Átök í Sósíalistaflokknum, þinglokaviðræður og síðasti dagur Litlu kaffistofunnar Veiðigjöld ekki á dagskrá þingfundar í dag Gripinn við innbrot og bíl ekið inn í búð Greindi þátt almennings og fjölmiðla í máli „strokufangans“ Mikill viðbúnaður vegna eftirfarar á Sæbraut Sagður hafa tæmt sjóði flokksins og rekur nýja stjórn úr húsnæðinu Halla forseti blandar sér í götuljósaumræðuna Reiða fram rúma milljón fyrir Jakub Tilraun langtímakjarasamninga hafi mistekist Málið rannsakað sem tilraun til manndráps Telja Múmínlundinn klárt brot á höfundarétti Glænýr leikskóli í Mosfellsbæ heitir Sumarhús Verðbólguvonbrigði, hraðakstur og kokkur með keppnisskap Málið týndist í kerfinu og reyndist á endanum fyrnt Segulómtækið enn óvirkt og beðið eftir þúsund lítrum af helíni „Allar kannanir eru með einhverja óvissu“ Steini frá Straumnesi látinn Áfram frestað meðan formenn funda Birgir Ármannsson kominn með málflutningsréttindi Sjá meira
Margrét Hannesdóttir, sem er dóttir Agnesar M. Sigurðardóttur biskups, var þrívegis fengin til að sinna verkefnum fyrir Biskupsstofu á síðastliðnu ári. Alltaf var um tímabunda ráðningu að ræða. Nú síðast var hún ráðin til starfa í desember í fyrra og átti sú ráðning að vera til eins mánaðar. Ráðningin var hins vegar framlengd fram til næstu mánaðamóta. Vísi barst ábending um að dóttir biskups hefði verið ráðin til starfa án auglýsingar. Og þótti viðkomandi það skjóta skökku við nú á tímum gríðarlegs atvinnuleysis og fjöldauppsagna. Vísir skaut því fyrirspurn til Péturs Georgs Markan kynningarfulltrúa Biskupsstofu sem segir biskup ekki hafa haft aðkomu að ráðningu Margrétar. Ákvörðunin hafi verið tekin af Guðmundi Þór Guðmundssyni, skrifstofustjóra Biskupsstofu, sem beri ábyrgð á verkefnunum sem Margréti voru úthlutuð. Verkefni Margrétar lúti ekki síst að söfnun, framsetningu og greiningu hag- og tölfræðiupplýsinga um starf kirkjunnar. Þar nýtist hagfræðimenntun hennar vel, sem og „mikil þekking á skipulagi, uppbyggingu og störfum kirkjunnar,“ að sögn Péturs. Þannig sé í hennar verkahring að afla upplýsinga er varða rekstur prestsembætta, samantekt skráa og gagnasafna á mörgum sviðum auk þess að koma að endurskoðun innkaupaferla og skyldra mála með skrifstofustjóra Biskupsstofu. Ráðningarsaga í þremur hlutum Margrét hafi fyrst verið fengin til Biskupsstofu þann 11. júní í fyrra og starfaði hún þar til 23. ágúst. Tæplega mánuði síðar, eða 17. september, var hún aftur fengin til að sinna verkefnum fyrir Biskupsstofu sem hún gerði til 30. nóvember. Ráðningarsambandið var svo endurnýjað daginn eftir til eins mánaðar og átti því að ljúka um síðustu áramót. Þá hafi hins vegar verið tekin ákvörðun um að framlengja ráðningu Margrétar um hálft ár og stendur til að hún láti af störfum um næstu mánaðamót. Útskýring Biskupsstofu á kaflaskiptri ráðningu Margrétar er á þessa leið: „Þegar viðbótarsamkomulag ríkis og kirkju var undirritað 6. september 2019, varð ljóst að þörf var á frekari vinnu á þessu sviði vegna umfangsmikilla skipulagsbreytinga sem ráðast þarf í vegna samningsins og lagabreytinga sem af honum leiddi, m.a. vegna breytts umhverfis – fjár- og starfsmannamála kirkjunnar. Nauðsynlegt var að afla frekari upplýsinga til að undirbúa breytingar sem hafa orðið og verða á starfsumhverfi kirkjunnar. Varð samkomulag um að Margrét yrði endurráðin tímabundið frá og með 19.9.2019 a.m.k fram að framhaldsfundi kirkjuþings 2019, sem koma átti saman 21. mars 2020. Biskup kom ekki nálægt þeirri ákvörðun heldur var hún einvörðungu á borði skrifstofustjóra og annarra stjórnenda. Þinghaldinu var frestað vegna Covid og verður haldið í september 2020 samkvæmt ákvörðun forseta og forsætisnefndar kirkjuþings.“ Ekki þörf á að auglýsa Aðspurður um hvort ekki hefði verið eðlilegt að auglýsa stöðu Margrétar, ekki síst í ljósi atvinnuástands þjóðarinnar, segir Pétur að mikilvægt sé að horfa til þess að Margrét hafi fyrst verið fengin til starfa í fyrrasumar - „þegar atvinnuástand var öllu ólíkt því sem nú er. Á þeim tíma var frekar erfitt að fá hæft fólk til tímabundina starfa. Starfið er tímabundið eins og áður hefur komið fram. Ekki er skylt að auglýsa tímabundin störf af þessu tagi.“ Atvinnuleysi var á bilinu 3,4 til 4 prósent á þeim tíma sem ráðningarsambandið við Margréti var endurnýjað. „Margrét hefur unnið mikla vinnu til undirbúnings breytingunum og einnig á fjármálasviði Biskupsstofu. Þar hafa miklar breytingar átt sér stað á vinnu og verkferlum og hefur vinnuframlag hennar verið mikilvægt til undirbúnings nýjum kerfum og sérstaklega óskað eftir því af fjármálastjóra Biskupsstofu að fá aðgang að þekkingu hennar og reynslu í því sambandi,“ segir Pétur hjá Biskupsstofu.
Stjórnsýsla Trúmál Þjóðkirkjan Mest lesið Greindi þátt almennings og fjölmiðla í máli „strokufangans“ Innlent Vonar að Rauði krossinn endurskoði afstöðu sína Innlent Handtóku ökumann eftir eftirför á Sæbraut Innlent Sagður hafa tæmt sjóði flokksins og rekur nýja stjórn úr húsnæðinu Innlent Þúsundir syrgja í Tehran og Trump segir æðstaklerkinn ljúga Erlent Halla forseti blandar sér í götuljósaumræðuna Innlent „Ég vorkenni því fólki sem lét narra sig í þessa vegferð“ Innlent Svifvængjaflugslys við Reynisfjall Innlent Mikil reiði á Þingeyri vegna flutnings fóðurstöðvar Arctic Fish Innlent Segir ásakanir kjaftæði og íhugar meiðyrðamál Innlent Fleiri fréttir Mikil reiði á Þingeyri vegna flutnings fóðurstöðvar Arctic Fish Ráðherra vill tryggja betra eftirlit með Sjúkratryggingum Íslands Segir tölurnar sláandi og vill bregðast við „Ég vorkenni því fólki sem lét narra sig í þessa vegferð“ Sósíalistar deila um peninga og metþátttaka í ólöglegri baráttugöngu Kostnaður vegna kynja- og jafnréttismála sextán milljónir Svifvængjaflugslys við Reynisfjall Handtóku ökumann eftir eftirför á Sæbraut Vonar að Rauði krossinn endurskoði afstöðu sína Segir ásakanir kjaftæði og íhugar meiðyrðamál „Þurfum að huga að forvörnum“ Átök í Sósíalistaflokknum, þinglokaviðræður og síðasti dagur Litlu kaffistofunnar Veiðigjöld ekki á dagskrá þingfundar í dag Gripinn við innbrot og bíl ekið inn í búð Greindi þátt almennings og fjölmiðla í máli „strokufangans“ Mikill viðbúnaður vegna eftirfarar á Sæbraut Sagður hafa tæmt sjóði flokksins og rekur nýja stjórn úr húsnæðinu Halla forseti blandar sér í götuljósaumræðuna Reiða fram rúma milljón fyrir Jakub Tilraun langtímakjarasamninga hafi mistekist Málið rannsakað sem tilraun til manndráps Telja Múmínlundinn klárt brot á höfundarétti Glænýr leikskóli í Mosfellsbæ heitir Sumarhús Verðbólguvonbrigði, hraðakstur og kokkur með keppnisskap Málið týndist í kerfinu og reyndist á endanum fyrnt Segulómtækið enn óvirkt og beðið eftir þúsund lítrum af helíni „Allar kannanir eru með einhverja óvissu“ Steini frá Straumnesi látinn Áfram frestað meðan formenn funda Birgir Ármannsson kominn með málflutningsréttindi Sjá meira