Segir Dort­mund yfir­leitt vinna Bayern á heima­velli og vonast til að það haldi á­fram á þriðju­daginn

Manuel Akanji, varnarmaður Dortmund, reiknar með að Dortmund hafi betur gegn Bayern Munchen á heimavelli á þriðjudaginn er liðin mætast í toppslag í þýsku úrvalsdeildinni.

Dortmund hefur byrjað vel eftir að boltinn fór aftur að rúlla eftir kórónuveiruna og unnið tvo örugga sigra í fyrstu tveimur leikjunum en á þriðjudaginn er það risa leikur gegn erkifjéndunum í Bayern.

„Ég vonast til þess að við vinnum. Á mínum tíma hjá Dortmund höfum við alltaf tapað á útivelli en unnið á heimavelli og því vil ég halda áfram að vinna á heimavelli,“ sagði Akanji við heimasíðu félagsins.

Hann viðurkennir að leikur liðsins gegn Wolfsburg um helgina hafi ekki verið sá besti á leiktíðinni.

„Þetta var mikil vinna og við vörðumst lengi vel í leiknum, því var mikilvægt að skora þetta annað mark í leiknum. Við pössuðum ekki nægilega vel upp á boltann og gerðum annað hvort mistök þegar við vorum að byggja upp spilið eða töpuðum seinni boltunum. Það gerist stundum,“ sagði Akanji.