Fyrrum samherji Elvars og Martins í Þór Þorlákshöfn

Þór Þorlákshöfn hefur samið við Jerome Frink um að leika með liðinu í Dominos deild karla. Þór Þ. er í 8. sæti deildarinnar þegar 11 umferðum er lokið en liðið hefur unnið fimm leiki og tapað sex.

Karfan.is greinir frá.

Hinn 26 ára gamli Frink er 201 cm á hæð og kemur frá Bandaríkjunum. Hann lék síðast í Dóminíska lýðveldinu með Domingo Paulino Santiago. Frá árunum 2015-2018 lék hann með LIU Brooklyn í bandaríska háskólakörfuboltanum og var þar liðsfélagi Elvars Friðrikssonar og Martins Hermannssonar.

Talið er nær öruggt að Vincent Bailey muni yfirgefa Þorlákshöfn er Frink gengur til liðs við félagið.