Munum Drífa Snædal skrifar 7. desember 2019 18:00 Eftirfarandi ræðu flutti Drífa Snædal, forseti ASÍ, á mótmælafundinum Lýðræði ekki auðræði - Auðlindirnar aftur í okkar hendur á Austurvelli þann 7. desember.Kæru félagar, Munum hrunið Munum Panama Munum meðmæli með barnaníðingum Munum klausturmálið Munum Landsréttarmálið Munum Samherjamálið Munum brottvísanirnar Munum valdníðsluna, valdafólk sem hyglir fáum á kostnað fjöldans, valdafólk sem ber ekki virðingu fyrir lýðræði, fer með almannafé eins og sitt eigið og nýtir okkar sameiginlegu sjóði til að styrkja stöðu sína og sinna. Þetta er ekkert séríslenskt fyrirbæri en umburðalyndi okkar gagnvart vitleysunni held ég að sé nánast séríslensk. Þetta eru ekki einangruð mál, ekkert sem má bara bíða af sér. Bíða þangað til þjóðin fer að einbeita sér að öðru eins og jólaskreytingum. Við vitum sem er að öll þessi mál safnast upp og þegar enn eitt spillingarmálið opinberast opnast sárin sem hin skildu eftir. Þetta eru ekki einangruð mál, þetta er mynstur sem afhjúpar ráðamenn sem taka auðræði fram yfir lýðræði. Fólk sem lifir í eigin veruleika sínum og sinna, þekkir enga sem standa í biðröð eftir mat fyrir jólin, þekkir enga sem hafa ekki efni á lyfjum af því stjórnvöld hafa ákveðið að gróði útgerðarmanna sé mikilvægari. Því það er ákvörðun þeirra sem ráða hvort það sé mikilvægara að þeir sem eiga peninga geti átt meiri peninga eða hvort við öll fáum menntun og heilbrigði. Það er ekki til neitt fyrirlitlegra en fólk sem kemur sér hjá því að greiða í sameiginlega sjóði, hvort sem það er hér innanlands eða erlendis. Og það er jafn fyrirlitlegt að búa til kerfi þar sem einstaklingar geta makað krókinn á kostnað okkar sameiginlegu auðlinda, okkar sameiginlegu sjóða, okkar sameiginlegu velferðar. Af hverju erum við í þessari stöðu? Aftur og aftur. Getur verið að við höfum einblínt svo mikið á einstaklingshyggju að við missum af heildinni. Erum svo upptekin af því að vera besta útgáfan af sjálfum okkur að við gleymum að vera besta útgáfan af samfélagi. Erum svo upptekin af núvitund mitt í öllu stressinu að við gleymum að reikna með samferðafólkinu í vitund okkar. Erum uppteknari af því að komast í kjólinn fyrir jólin en hafa af því áhyggjur að sumir geta ekki haldið jól svo vel sé. Kapítalisminn hefur haft gríðarleg áhrif í gegnum tíðina. Helstu áhrifin eru sennilega að við hugsum frekar um einstaklinga en samfélög. Erum svo upptekin af því að vera ekki meðvirk að við gleymum að hugsa um náungann og kjósum yfir okkur aftur og aftur fólk sem hugsar um að vera besta útgáfan af sjálfum sér og vinum sínum frekar en heildinni. Og þegar okkur tekst vel upp að hjálpa og aðstoða þjóð sem vill byggja upp gott samfélag fyrir alla og heldur að við séum fyrirmyndin þá koma kapítalistarnir í kjölfarið og breyta velvilja í arðrán, samfélagsþjónustu í einkabissness, hagsmunum heildar í gróða fárra. Og þegar fólk flýr ömurlegar aðstæður í heimalandi sem gróðafyrirtæki á Vesturlöndum hafa viðhaldið setja þessi sömu vesturlönd ómanneskjuleg skilyrði og hika ekki við að vísa fólki okkur ekki þóknanlegt aftur í ömurlegar aðstæður. Kæru félagar, við höfum verk að vinna. Við þurfum að breyta svo ótal mörgu en við verðum að vera viss um að þegar við breytum samfélaginu mun mannúðin sigra. Það eru margir á hliðarlínunni tilbúnir til að taka við stjórn og sum þessara afla eru ógnvekjandi. Útlendingaandúð, kvenhatur og andlýðræðisöfl vilja komast til enn frekari áhrifa. Það má aldrei verða. Við skulum breyta stjórnarskránni en vera þess fullmeðvituð að breyting á lögum breytir ekki endilega menningunni. Til þess þarf miklu meira afl, miklu meira samtal og miklu meiri þrýsting. Engin lög koma í veg fyrir að þeir sem eru í aðstöðu til þess - maka krókinn nema við segjum líka, þú mátt ekki vera með ef þú ætlar þér að haga þér svona. Við ætlum ekki að kjósa þig ef þú gætir hagsmuna auðvaldsins fyrst og fremst. Þú ert dæmdur úr leik ef þú kemur peningum undan sameiginlegum sjóðum og þú missir virðingu okkar ef þú níðist á fátæku fólki og fátækum þjóðum. Samfélagið sem við þurfum er samfélag þar sem allir hafa rödd, ekki bara sá frekasti, sá ríkasti eða sá háværasti heldur allir. Samfélag þar sem lýðræðið er virt og jöfnuður og jafnrétti er í forgrunni. Munum allt sem gengið hefur á síðustu ár og segjum hingað og ekki lengra. Burt með Spillinguna! Burt með arðránið! Viltu birta grein á Vísi? Sendu okkur póst. Senda grein Drífa Snædal Mest lesið Svargrein: Ísland á víst að íhuga aðild að ESB Ágúst Ólafur Ágústsson Skoðun „Er allt í lagi?“ Olga Björt Þórðardóttir Skoðun Verkafólk kaupir aðgang að íslenskum auðlindum af Norðmönnum Arndís Kristjánsdóttir Skoðun Úr skotgröfum í netkerfin: Netárásir á innviði Vesturlanda Ýmir Vigfússon Skoðun Einmanaleiki: Skortir þig tengsl við þig eða aðra? Sigrún Þóra Sveinsdóttir Skoðun Sumarfríinu aflýst Sigurður Helgi Pálmason Skoðun Fordómar gagnvart hinsegin fólki – Reynslusaga Geir Gunnar Markússon Skoðun Ævinlega þakkláti flóttamaðurinn Zeljka Kristín Klobucar Skoðun Um mýkt, menntun og von Sigurður Árni Reynisson Skoðun Gerir háskólanám þig að grunnskólakennara? Davíð Már Sigurðsson Skoðun Skoðun Skoðun Þegar fjölbreytileikinn verður ógn: Afneitun, andstaða og ótti við hið mannlega Haukur Logi Jóhannsson skrifar Skoðun Einmanaleiki: Skortir þig tengsl við þig eða aðra? Sigrún Þóra Sveinsdóttir skrifar Skoðun Svargrein: Ísland á víst að íhuga aðild að ESB Ágúst Ólafur Ágústsson skrifar Skoðun Fjölbreytni í endurhæfingu skiptir máli Hólmfríður Einarsdóttir skrifar Skoðun Sumarfríinu aflýst Sigurður Helgi Pálmason skrifar Skoðun Úr skotgröfum í netkerfin: Netárásir á innviði Vesturlanda Ýmir Vigfússon skrifar Skoðun Fordómar gagnvart hinsegin fólki – Reynslusaga Geir Gunnar Markússon skrifar Skoðun „Er allt í lagi?“ Olga Björt Þórðardóttir skrifar Skoðun Göngum í Haag hópinn Þórhildur Sunna Ævarsdóttir skrifar Skoðun Kirkjuklukkur hringja Bjarni Karlsson skrifar Skoðun Gerir háskólanám þig að grunnskólakennara? Davíð Már Sigurðsson skrifar Skoðun Stríð skapar ekki frið Sanna Magdalena Mörtudóttir skrifar Skoðun Íslenska stóðhryssan og Evrópa Hallgerður Ljósynja Hauksdóttir skrifar Skoðun Hvammsvirkjun – Skyldur ráðherra og réttur samfélagsins Eggert Valur Guðmundsson skrifar Skoðun Norska leiðin er fasismi Jón Frímann Jónsson skrifar Skoðun Um mýkt, menntun og von Sigurður Árni Reynisson skrifar Skoðun Höfum alla burði til þess Hjörtur J. Guðmundsson skrifar Skoðun Tímabær rannsókn dómsmálaráðuneytisins Sigmundur Davíð Gunnlaugsson skrifar Skoðun Umsókn krefst ákvörðunar – ekki ákalls Erna Bjarnadóttir skrifar Skoðun Hjálp, barnið mitt spilar Roblox! Kristín Magnúsdóttir skrifar Skoðun Líkindi með guðstrú og djöflatrú Gunnar Björgvinsson skrifar Skoðun Ævinlega þakkláti flóttamaðurinn Zeljka Kristín Klobucar skrifar Skoðun Vér vesalingar Ingólfur Sverrisson skrifar Skoðun Leikrit Landsvirkjunar Snæbjörn Guðmundsson skrifar Skoðun Við þurfum ekki að loka landinu – við þurfum að opna augun Þorbjörg Sigríður Gunnlaugsdóttir skrifar Skoðun Svona eða hinsegin, hvert okkar verður næst? Unnar Geir Unnarsson skrifar Skoðun Reynisfjara og mannréttindasáttmáli Evrópu Róbert R. Spanó skrifar Skoðun Að hlúa að foreldrum: Forvörn sem skiptir máli Áróra Huld Bjarnadóttir skrifar Skoðun Ákall til íslenskra stjórnmálamanna Magnús Árni Skjöld Magnússon skrifar Skoðun Þurfum við virkilega „leyniþjónustu”? Helen Ólafsdóttir skrifar Sjá meira
Eftirfarandi ræðu flutti Drífa Snædal, forseti ASÍ, á mótmælafundinum Lýðræði ekki auðræði - Auðlindirnar aftur í okkar hendur á Austurvelli þann 7. desember.Kæru félagar, Munum hrunið Munum Panama Munum meðmæli með barnaníðingum Munum klausturmálið Munum Landsréttarmálið Munum Samherjamálið Munum brottvísanirnar Munum valdníðsluna, valdafólk sem hyglir fáum á kostnað fjöldans, valdafólk sem ber ekki virðingu fyrir lýðræði, fer með almannafé eins og sitt eigið og nýtir okkar sameiginlegu sjóði til að styrkja stöðu sína og sinna. Þetta er ekkert séríslenskt fyrirbæri en umburðalyndi okkar gagnvart vitleysunni held ég að sé nánast séríslensk. Þetta eru ekki einangruð mál, ekkert sem má bara bíða af sér. Bíða þangað til þjóðin fer að einbeita sér að öðru eins og jólaskreytingum. Við vitum sem er að öll þessi mál safnast upp og þegar enn eitt spillingarmálið opinberast opnast sárin sem hin skildu eftir. Þetta eru ekki einangruð mál, þetta er mynstur sem afhjúpar ráðamenn sem taka auðræði fram yfir lýðræði. Fólk sem lifir í eigin veruleika sínum og sinna, þekkir enga sem standa í biðröð eftir mat fyrir jólin, þekkir enga sem hafa ekki efni á lyfjum af því stjórnvöld hafa ákveðið að gróði útgerðarmanna sé mikilvægari. Því það er ákvörðun þeirra sem ráða hvort það sé mikilvægara að þeir sem eiga peninga geti átt meiri peninga eða hvort við öll fáum menntun og heilbrigði. Það er ekki til neitt fyrirlitlegra en fólk sem kemur sér hjá því að greiða í sameiginlega sjóði, hvort sem það er hér innanlands eða erlendis. Og það er jafn fyrirlitlegt að búa til kerfi þar sem einstaklingar geta makað krókinn á kostnað okkar sameiginlegu auðlinda, okkar sameiginlegu sjóða, okkar sameiginlegu velferðar. Af hverju erum við í þessari stöðu? Aftur og aftur. Getur verið að við höfum einblínt svo mikið á einstaklingshyggju að við missum af heildinni. Erum svo upptekin af því að vera besta útgáfan af sjálfum okkur að við gleymum að vera besta útgáfan af samfélagi. Erum svo upptekin af núvitund mitt í öllu stressinu að við gleymum að reikna með samferðafólkinu í vitund okkar. Erum uppteknari af því að komast í kjólinn fyrir jólin en hafa af því áhyggjur að sumir geta ekki haldið jól svo vel sé. Kapítalisminn hefur haft gríðarleg áhrif í gegnum tíðina. Helstu áhrifin eru sennilega að við hugsum frekar um einstaklinga en samfélög. Erum svo upptekin af því að vera ekki meðvirk að við gleymum að hugsa um náungann og kjósum yfir okkur aftur og aftur fólk sem hugsar um að vera besta útgáfan af sjálfum sér og vinum sínum frekar en heildinni. Og þegar okkur tekst vel upp að hjálpa og aðstoða þjóð sem vill byggja upp gott samfélag fyrir alla og heldur að við séum fyrirmyndin þá koma kapítalistarnir í kjölfarið og breyta velvilja í arðrán, samfélagsþjónustu í einkabissness, hagsmunum heildar í gróða fárra. Og þegar fólk flýr ömurlegar aðstæður í heimalandi sem gróðafyrirtæki á Vesturlöndum hafa viðhaldið setja þessi sömu vesturlönd ómanneskjuleg skilyrði og hika ekki við að vísa fólki okkur ekki þóknanlegt aftur í ömurlegar aðstæður. Kæru félagar, við höfum verk að vinna. Við þurfum að breyta svo ótal mörgu en við verðum að vera viss um að þegar við breytum samfélaginu mun mannúðin sigra. Það eru margir á hliðarlínunni tilbúnir til að taka við stjórn og sum þessara afla eru ógnvekjandi. Útlendingaandúð, kvenhatur og andlýðræðisöfl vilja komast til enn frekari áhrifa. Það má aldrei verða. Við skulum breyta stjórnarskránni en vera þess fullmeðvituð að breyting á lögum breytir ekki endilega menningunni. Til þess þarf miklu meira afl, miklu meira samtal og miklu meiri þrýsting. Engin lög koma í veg fyrir að þeir sem eru í aðstöðu til þess - maka krókinn nema við segjum líka, þú mátt ekki vera með ef þú ætlar þér að haga þér svona. Við ætlum ekki að kjósa þig ef þú gætir hagsmuna auðvaldsins fyrst og fremst. Þú ert dæmdur úr leik ef þú kemur peningum undan sameiginlegum sjóðum og þú missir virðingu okkar ef þú níðist á fátæku fólki og fátækum þjóðum. Samfélagið sem við þurfum er samfélag þar sem allir hafa rödd, ekki bara sá frekasti, sá ríkasti eða sá háværasti heldur allir. Samfélag þar sem lýðræðið er virt og jöfnuður og jafnrétti er í forgrunni. Munum allt sem gengið hefur á síðustu ár og segjum hingað og ekki lengra. Burt með Spillinguna! Burt með arðránið!
Skoðun Þegar fjölbreytileikinn verður ógn: Afneitun, andstaða og ótti við hið mannlega Haukur Logi Jóhannsson skrifar
Skoðun Við þurfum ekki að loka landinu – við þurfum að opna augun Þorbjörg Sigríður Gunnlaugsdóttir skrifar